Marku 3:8 - MUKANDA USANDU WA ZAMBI 1975

⁸ ni cha ku Yerusaleme, ni cha ku Indumeya, ni kuze kanda lia Yordau, ni waze a ku chifuchi cha kujingilika Teru ni Sendone, chizavu chinene ha kwivwa yuma yinene alingile, ejile kuli iye.

Mukanda Wa Zambi 1970

⁸ ni ku limbo lia Yerusaleme, ni ku chifuchi cha Idumea, ni muze musali lia Yordau, ni ku chifuchi chize chasulangana ni membo ja Tiru ni Sidone. Mbunga yino yinene yeeza kuli Yesu mumu te heevwa yuma yize alingile.

Marku 3:8 Iomraidhean Croise

Miaso (Masamu) 45:12

Mwana pwo Teru ni chawana, hamuwika ni pichi hakachi ka atu kumakalembelela vumbi lie.

Miaso (Masamu) 87:4

Munguvuluka Rahape ni Babilonia hakachi ka waze anangunyingika. Enu A-Filistea, ni A-Teru, ni Etiopia, talenu, yono wasemukineko.

Izaya 34:5

Mumu katana kami hanwa kanawa mwilu, mba kaneza kusopa ni Endome ni atu aze hinaahisa.

Ezekiel 35:15

Chizechene ngwe yenu nwawahililile ha chihinga cha munyachi wa Izalele mumu chalumukine cha kwenyeka, chochene nawa mungukalinga ni yenu. Kumuopwa wa kwenyeka, yena mulundu wa Sere, ni mweswe mu Endome, kwe kweswe. Henaho makanyingika yami nguli Yehova.

Ezekiel 36:5

kashika Mwene Yehova kanambe ngwenyi, Ngunahanjika ni ukwa wami usasu kulimika ni mavungu akwo, ni kulimika ni A-Endome eswe, waze ahanyine chifuchi chami kuli ayo ene achipite ni uwahililo wunji ni kaleleso mweswe akachipite ni kuchipupa.

Mateu 11:21

Ngwenyi, Lamba kuli yena Karazene! lamba kuli yena Mbeteseta! mumu kachi yipupu yize alingile hakachi kenu, ayilingile mu Teru ni Sendone kachi alikonyekene kulu ni chikeleyi ni uto.

Mateu 4:25

Ni mbunga jinji amukawile ja ku Ngalileya, ni ja ku Ndekapole, ni ja ku Yerusaleme, ni ja ku Yundeya, ni ja kuze kanda lia Yordau.

Marku 7:24

Iye wakatukile kuze, wayile ku manjiza ja Teru ni Sendone. Wanjilile mu zuwo, mumu kazangile niumwe kuchinyingika, hindu kahashile kuswama.

Marku 7:31

Cheka nawa wakatukile ku manjiza ja Teru ni Sendone, wahetele ku Chitende cha Ngalileya, ndusu mu manjiza ja Ndekapoli.

Luka 6:17

Iye wapalumukine hamwe no, wamanyine homa ha Salama, ni mbunga yinene ya tumbaji twenyi, ni chizavu chinene cha atu a ku Yundeya mweswe ni a ku Yerusaleme, ni a ku mbaka ya Teru ni Sendone, eno ejile mukumwivwa, akaahindwise ku misongo yo;

Yoshua 15:1

Chihinga cha munyachi wa A-Yunda nikulita ni majimo jo chatwalile ku Sule ndo ku njiza ya Endome, ku puya ya Zini kwe ku songo lia ku Sule.

Yoshua 15:21

yihunda ya munyachi wa A-Yunda kwe ku Sule ku njiza ya Endome, Kabzele, ni Edere, ni Njagura,