Marku 3:7 - MUKANDA USANDU WA ZAMBI 1975

⁷ Mba Yesu hamwe ni tumbaji twenyi akatukile akaye ku Chitende: ni chizavu chinene cha ku Ngalileya amukawile, ni cha ku Yundeya,

Mukanda Wa Zambi 1970

⁷ Hohene Yesu yaya ku chitende hamwe ni tumbaji twenyi. Mbunga yinene yaamukaula. Haanakatuka ku chifuchi cha Galilea ni cha Yudea,

Marku 3:7 Iomraidhean Croise

Mateu 10:23

Alioze muze manuhungumiona mu limbo lino, chinyinenu ku likwo, mumu pundu ngunambe kuli yenu ngwami, Kunuchi kamanununa membo a mu Izalele ndo mwe Mwana Mutu meza.

Mateu 12:15

Alioze Yesu ha kuchinyingika wayile kweka, ni mbunga jinji amukawile; waawukile eswe.

Mateu 12:16

Alioze waakanjishile chikolo kanda akamusolola.

Mateu 4:25

Ni mbunga jinji amukawile ja ku Ngalileya, ni ja ku Ndekapole, ni ja ku Yerusaleme, ni ja ku Yundeya, ni ja kuze kanda lia Yordau.

Marku 1:39

Iye wanjilile mu masunangonga jo mu Ngalileya mweswe, nikwambujola nikutuhwisa andemoniu.

Marku 1:45

Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.

Marku 3:20

Ni mbunga yakungama cheka nawa, chocho kahashile chipwe kutambula kulia.

Marku 4:1

Cheka nawa waputukile kulongesa ku sesa lia Chitende. Ni mbunga yinene akungulukile kuli iye, chocho wanjilile mu ulungu, watwaminemo ha Chitende: ni mbunga yeswe apwile hehi ni Chitende hashi.

Luka 23:5

Alioze ashinjikile kuhiana chikolo, ngwo, Kakuvundula atu eswe, nikulongesa kweswe mu Yundeya, nikuputuka ku Ngalileya ndo ku kuno.

Luka 6:12

Ha matangwa aze wayile ku mulundu mukulemba; iye wahwishile ufuku weswe nikulemba kuli Zambi.

Luka 6:17

Iye wapalumukine hamwe no, wamanyine homa ha Salama, ni mbunga yinene ya tumbaji twenyi, ni chizavu chinene cha atu a ku Yundeya mweswe ni a ku Yerusaleme, ni a ku mbaka ya Teru ni Sendone, eno ejile mukumwivwa, akaahindwise ku misongo yo;

Yoano 7:41

Akwo ambile ngwo, Yono mwe Kristu. Alioze akwo ambile ngwo, Kuma, Kristu makatuka ku Ngalileya, nyi?

Yoano 7:52

Amukumbulwile ngwo, Yena nawa uli wa ku Ngalileya, nyi? Hengula, utale, ku Ngalileya keshi kukatuka profeta niumwe.

Yilinga 17:10

Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Yilinga 17:14

Hohene mandumbu atumine Paulu mu jila ya kuya ku kalunga-lwiji: ni Saila ni Timoteu asalileko.

Yoshua 20:7

Chocho ahandunwine Kendeshe mu Ngalileya mu chifuchi cha Napatali mu milundu, ni Shekeme mu chifuchi cha Eframe mu milundu, ni Kiriate-Arpa (ngwami Heprone) mu chifuchi cha Yunda mu milundu.

Yoshua 21:32

Ya ku munyachi wa Napatali ahanyine Kendeshe mu Ngalileya ni ulilo wako, chihunda cha kuchinyina hali yoze mashiha mutu, ni Hamoto-ndore ni ulilo wako, ni Kartane ni ulilo wako; yihunda yitatu.