Marku 3:3 - MUKANDA USANDU WA ZAMBI 1975

³ Iye yamba kuli mutu yoze wapwile ni kwoko lia kusosewa ngwenyi, Katuka, umane mukachi.

Mukanda Wa Zambi 1970

³ Yesu yambila mukwa kwoko liasosewa ngwenyi: “Katuka, umane mukachi ka atu eswe.”

Marku 3:3 Iomraidhean Croise

Izaya 42:4

Kechi kakokoloka hanji kuhonga ndo hanakolesa ululi hano hashi. Akwa mbaka kanatwaminyina shimbi yenyi.

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Mateu 12:10

Kumanyi, mwapwilemo mutu ni kwoko lia kusosewa, amuhulile ngwo, Muchilita ni shimbi kuwuka ha tangwa lia Sambata, nyi? Hanga akamusume mutonga.

Marku 3:2

O amulayilile kachi mamuwuka ha tangwa lia Sambata; hanga akamusume mutonga.

Marku 3:4

Mba yamba kuli ayo ngwenyi, Muchilita ni shimbi kulinga yipema ha tangwa lia Sambata nyi, shina kulinga yipi? Shina kulamwina mwono, nyi shina kushiha? Alioze aholele kulungunga kwo.

Luka 6:8

Alioze iye wanyingikine manyonga jo; wambile kuli mutu yoze wapwile ni kwoko lienyi lia kusosewa ngwenyi, Katuka, umane mukachi. Iye wakatukile, wamanyinemo.

Yoano 9:4

Changutamba kulinga yitanga ya yoze wangutumine shimbu kuchili mwalwa: ufuku muwiza muze niumwe mahasa kulinga.

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

Galashia 6:9

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.

Filipu 1:14

Ni anji ahiana a kuli mandumbu nikulikolela kuli Mwene ha makana jami, kanahiana kuhamuka mukuhanjika liji lia Zambi ni woma wakuhi.

1 Petulu 4:1

Kashika chizechene ngwe Kristu hanevu lamba mu musunya, lipakatenu nawa ni kunyonga chimuwika; mumu yoze hanevu lamba mu musunya hanalitwamina ku shili;