Marku 3:27 - MUKANDA USANDU WA ZAMBI 1975

²⁷ Alioze niumwe mahasa kunjila mu zuwo lia chitakame akapunde yikwata yenyi, shina hatangu makasa chitakame; mba hohene mapunda zuwo lienyi.

Mukanda Wa Zambi 1970

²⁷ “Mutu niumwe mahasa kunjila mu zuwo lia chitakame ni kwiya yuma yenyi, nyi hatangu kanda achimukasa. Muze hamukasa, mba mahasa kwiya yuma yeswe mu zuwo lienyi.

Marku 3:27 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Izaya 27:1

Ha tangwa lize Yehova ni katana kenyi mukalu ni munene, wa tachi, makafwetesa Leviatanu mwe lunoka wa kuzomboka, Leviatanu mwe lunoka wa kulikonyekakonyeka; makashiha mwe ndragau yoze watwama mu kalunga-lwiji.

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Mateu 12:29

Hanji ngwe kuchi umwe mahasa kunjila mu zuwo lia chitakame nikupunda yikwata yenyi shina hatangu makasa mwe chitakame? Mba mapunda liakulu zuwo lienyi.

Yoano 12:31

Haliapwila upatwilo wa hashi hiweza; haliapwila kumambila haze mwata wa hashi.

A-ROMA 16:20

Alioze Zambi ya sambukila kumakafwenya Satana kushi lia yiliato yenu kamunomuno. Vumbi lia Mwene wetu Yesu Kristu likapwe hamwe ni yenu eswe. Amene.

Kolosu 2:15

Se hanapupu mawanangana ni yiyulo, waahepwishile kumeso ja atu eswe, nikwakumba nayo.

Hebreu 2:14

Kashika se ana anapu akwa kulianyina ni musunya ni manyinga, iye nawa chizechene i walianyinyine ni chisemewa chimuwika; hanga ku kutwa, akapupe yoze uli ni ndundo ja kutwa, iye Ndiapu;

1 Yoano 3:8

Yoze wakuvulumiona iye wa kuli Ndiapu; mumu chize ku uputukilo Ndiapu kakuvulumiona. Mumu ha chino hanasolola mwe Mwana Zambi hanga akonwone yitanga ya Ndiapu.

1 Yoano 4:4

Yenu nuli a kuli Zambi, ana akepe, hinunaakumbu; mumu yoze uli muli yenu iye munene Wahiana yoze uli hano hashi.