Marku 3:23 - MUKANDA USANDU WA ZAMBI 1975

²³ Waatambikile kuli iye, wambile kuli ayo ni yishima ngwenyi, Ngwe kuchi Satana mahasa kutuhwisa Satana?

Mukanda Wa Zambi 1970

²³ Yesu yaatambika, yaatela yishima ngwenyi: “Ngwe kuchi Sakwonga mahasa kulituhwisa iye mwene?

Marku 3:23 Iomraidhean Croise

Miaso (Masamu) 49:4

Munguhetamisa twitwi liami ku chishima; mungulumbununa chijimbikilo chami ha kalialia.

Mateu 13:3

Wahanjikile kuli ayo yuma yinji ni yishima ngwenyi, Ivwenu, chikuwa watuhukile mukukuwa;

Mateu 13:34

Yino yuma Yesu wayihanjikile ku mbunga ni yishima; kahanjikile kuli ayo shina ni chishima:

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Marku 12:1

Iye waputukile kuhanjika kuli ayo ni yishima ngwenyi, Mutu watumbile munda wa uva, waujingulwile ni chipaka, watalile wina wa ukamino, watungile kaposhi, waukunjikile kuli njimi, mba wayile ku chifuchi chikwo.

Marku 3:24

Nyi kachi wanangana muuli handununa wene, wanangana uze kuushi kuhasa kukola.

Marku 4:11

Iye wambile kuli ayo ngwenyi, Hananwehecho kunyingika chijimbikilo cha wanangana wa Zambi: alioze kuli waze ali haze, yuma yeswe kakuyilinga ni yishima:

Marku 4:2

Iye waalongesele yuma yinji ni yishima. Wambile kuli ayo mu longeso lienyi ngwenyi,