Marku 3:22 - MUKANDA USANDU WA ZAMBI 1975

²² Akwa kusonyeka waze te hakatuka ku Yerusaleme, ambile ngwo, Mbelezepu akwete, chikwo ngwo, Ni tachi ja mwata wa andemoniu kakutuhwisa andemoniu.

Mukanda Wa Zambi 1970

²² Alongeshi a Shimbi yaakatuka ku Yerusaleme, yeeza kwe kuze, yaamba ngwo: “Belzebu akwete!” Nawa ngwo: “Mwata wa mwiku wa luchisa mwe unamwehe ndundo ja kutuhwisa najo mwiku uze.”

Marku 3:22 Iomraidhean Croise

1 MIANANGANA 1:2

Ahazia te haholokela ku njanela ya chipatulo cha kwilu mu Samaria; kanayiji. Mba yatuma mikeji ngwenyi, Yénu nuhule kuli Mbale-Zepupe, Zambi ya Ekrone, nyi munguhinduka nyi ka.

Miaso (Masamu) 22:6

Alioze yami nguli katutu, hi nguli mutu ko. Malunga kakunguchoka, atu kakungulelesa.

Mateu 10:25

Kunahu hali kambaji akapwe ngwe longeshi yenyi, ni ndungo akapwe ngwe mwata wenyi. Kachi hanavuluka mwenya zuwo ngwo, Mbelezepu, kumahiana chikolo kuvuluka akwa zuwo lienyi chocho.

Mateu 11:18

Mumu Yoano wejile chipwe kalile, chipwe kanwine, o mamba ngwo, Ndemoniu akwete.

Mateu 12:24

Alioze muze A-Fwariseu achivwile, ambile ngwo, Yono keshi kutuhwisa andemoniu shina ni tachi ja mwata wa andemoniu.

Mateu 15:1

Henaho akwa kusonyeka ni A-Fwariseu a ku Yerusaleme ejile kuli Yesu, ngwo,

Mateu 9:34

Alioze A-Fwariseu ambile ngwo, Kakutuhwisa andemoniu ni tachi ja mwata wa andemoniu.

Marku 7:1

Mba yakungulukila kuli iye A-Fwariseu, ni amwe a kuli akwa kusonyeka waze akatukile ku Yerusaleme.

Luka 11:15

Alioze amwe a kuli ayo ambile ngwo, Ni tachi ja Mbelezepu, mwata wa andemoniu, kakutuhwisa andemoniu.

Luka 5:17

Mba ha tangwa limwe shimbu machilongesa, A-Fwariseu ni akwa shimbi atwamineko, waze te hakatuka ku yihunda yeswe ya mu Ngalileya ni ya mu Yundeya ni a ku Yerusaleme, ni tachi ja Mwene japwileko kwahindwisa.

Yoano 10:22

Ha matangwa aze afungile ku Yerusaleme chiwanyino cha kulitumbikila:

Yoano 7:20

Mbunga akumbulwile ngwo, Yena ndemoniu ukwete: iya unafupu kukushiha?

Yoano 8:48

A-Yunda amukumbulwile ngwo, Kutwambile kanawa ngwetu, Yena uli Ka-Samaria ni ndemoniu ukwete, nyi?

Yoano 8:52

A-Yunda kashika ambile kuli iye ngwo, Haliapwila tunanyingika ndemoniu ukwete. Apalahama wafwile, ni aprofeta nawa; ni yena unambe ngwe, Kachi umwe matunga liji liami, kachi kechi kumona kufwa nichimwe ndo ku miaka ya mutolo.