Marku 3:2 - MUKANDA USANDU WA ZAMBI 1975

² O amulayilile kachi mamuwuka ha tangwa lia Sambata; hanga akamusume mutonga.

Mukanda Wa Zambi 1970

² Amwe atu yaalayila Yesu nyi mawuka mweji yoze ha tangwa lia kuhwima, hanga akamusume mulonga.

Marku 3:2 Iomraidhean Croise

Miaso (Masamu) 37:32

Chingulungulu kakutala mukwa ululi. Kakufupa kumushiha.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Daniel 6:4

Kashika akwa lutwe ni yilolo afupile chitela cha kusuma nacho Daniel ha kutwala ku wanangana. Alioze kawanyine chitela, hanji kapalia, mumu aye mukwa jika; kawanyine kulweza hanji kapalia muli iye.

Mateu 12:10

Kumanyi, mwapwilemo mutu ni kwoko lia kusosewa, amuhulile ngwo, Muchilita ni shimbi kuwuka ha tangwa lia Sambata, nyi? Hanga akamusume mutonga.

Marku 3:3

Iye yamba kuli mutu yoze wapwile ni kwoko lia kusosewa ngwenyi, Katuka, umane mukachi.

Luka 14:1

Shimbu machinjila mu zuwo lia umwe mukwa kuyula a kuli A-Fwariseu, ha tangwa lia Sambata hanga alie mbolo, o te kanamulayila.

Luka 20:20

O amulayilile, atumine ngendeshi, waze aliongele kupwa akwa ululi, hanga akamulimbe ni kuhanjika chenyi, hanga akahase kumukunjika ku chiyulo ni poko ya nguvulu.

Luka 6:7

Akwa kusonyeka ni A-Fwariseu amulayilile, kachi mawuka ha tangwa lia Sambata, hanga akawane chitela muli iye.

Yoano 8:6

Alioze chino ambile nikumuzeza, hanga akapwe ni chuma cha kumusuma nacho. Alioze Yesu wahetamine, iye ni munwe wenyi wasonekene hashi.

Yoano 9:16

Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko.