Marku 3:17 - MUKANDA USANDU WA ZAMBI 1975

¹⁷ Di Tiangu mwana Zembendeu, ni mwanakwo Yoano, waalukile jina likwo ngwenyi, Mboaneje, Unalumbunuka ngwo, Akwa kukulunguza.

Mukanda Wa Zambi 1970

¹⁷ ni Tiangu (Jake), ni Yoano, ana a Zebedeu a malunga (Yesu yaaluka jina likwo Boanerjese, kulumbunuka ngwo, atu waze alifwa ni kukulunguza cha vula),

Marku 3:17 Iomraidhean Croise

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Jeremia 23:29

Yehova kanambe ngwenyi, Liji liami linapu ngwe kahia, ngwe muhato wa kupatula mawe tuyipalupalu.

Mateu 4:21

Ha kusenya kuze kulutwe, wamwene asongo-ni-mutu akwo, Tiangu, mwana Zembendeu, ni mwanakwo Yoano, mu ulungu hamwe ni tato Zembendeu, kananukunyona manda jo, waatambikile.

Marku 10:35

Ana ja Zembendeu, Tiangu ni Yoano, yakundama kuli iye, ngwo, Longeshi, tunazange, cheswacho mutukwitacho ukatulingile.

Marku 14:33

Iye yatwala hamwe nenyi, Petulu, ni Tiangu, ni Yoano. Waputukile kulishimwoka, ni kwivwa chikolo kulema mu mbunge.

Marku 3:16

Iye walukile Semone jina likwo ngwenyi, Petulu;

Marku 3:18

Ni Andeleu, ni Fwilipe, ni Mbatotomeu, ni Mateu, ni Tomase, ni Tiangu mwana Alefweu, ni Tateu, ni Semone Ka-Zeto.

Marku 5:37

Iye katayijile niumwe kuya hamwe nenyi shina Petulu ni Tiangu ni mwanakwo Yoano.

Marku 9:2

Mba kulutwe lia matangwa asambano, Yesu yatwala hamwe nenyi Petulu ni Tiangu, ni Yoano, yaakandwisa mulundu usuku, ukawo: iye walumukine kumeso jo;

Luka 9:54

Muze tumbaji twenyi, Tiangu ni Yoano, achimwene, ambile ngwo, Mwene, unazange twambe kahia kahulumuke mwilu ni kwalesa ngwe alingile Eliya, nyi?

Yoano 21:2

Kwapwile hamuwika Semone Petulu, ni Tomase, yoze ngwo, Ndilimu, ni Natanele wa ku Kena, chihunda cha mu Ngalileya, ni ana a Zembendeu, ni akwo aali a kuli tumbaji twenyi.

Yilinga 12:1

Ha mwaka uze mwanangana Heronde wakwachile amwe a kuli akwa chikungulwila mukwalinga chipi.

Hebreu 4:12

Mumu liji lia Zambi mwono likwete, kuliakulinga ni tachi, linambuka kuhiana mukwale, nikutuwa ndo ku kuhandununa cha alma ni spiritu, ni ku makonekeno ni usongosongo, kuliakusa chinyingi ha manyonga ni kukana cha mu mbunge.

Usolwelo 10:11

O yamba kuli yami ngwo, Chakutamba kuprofeteza cheka nawa ha kutwala kuli atu anji ni mavungu ni malimi ni mianangana.