Marku 2:26 - MUKANDA USANDU WA ZAMBI 1975

²⁶ Ngwe chize anjilile mu zuwo lia Zambi ha matangwa ja sasendote mukwa lutwe Abiatare, alile mbolo ja kutumbieka, jize kuchalitele ni shimbi kulia shina hali asasendote wika? Wahanyine nawa kuli waze apwile hamwe nenyi?

Mukanda Wa Zambi 1970

²⁶ Muze Abiatare wabwile mwata wa mahako, David yanjila mu zuwo lia Zambi, yalia mbolo ja kutumbieka ku meso ja Zambi. Te kuchalitele ni Shimbi jetu kulia mbolo jize shina mahako a lutwe wika. Alioze David yajanda, yajaha nawa atu jenyi.”

Marku 2:26 Iomraidhean Croise

2 Samuel 15:24

Ni Zadoke wejile nawa hamwe ni A-Levi eswe nikumbata mushete wa usendo wa Zambi. O yatula mushete wa Zambi, ni Abiatare yakanduka ndo atu eswe hamana kukatuka kwimbo.

2 Samuel 15:29

Kashika Zadoke ni Abiatare yatwala mushete wa Zambi ku Yerusaleme nawa. Yatwamako.

2 Samuel 15:35

Chikwo nawa, asasendote Zadoke ni Abiatare uli no. Kashika cheswacho muwivwa ku zuwo lia mwanangana, ambulula kuli asasendote Zadoke ni Abiatare.

2 Samuel 20:25

Sheva wapwile mukwa kusoneka mikanda. Zadoke ni Abiatare apwile asasendote.

2 Samuel 8:17

Zadoke mwana Ahitube, ni Ahimeleke mwana Abiatare, apwile asasendote. Seraia wapwile mukwa kusoneka mikanda.

1 Yitanga Ya Mianangana 1:7

Yatwama punga hamwe ni Joabe mwana Zeluia ni sasendote Abiatare. O akawile Adonija ni kumukwasa.

1 Yitanga Ya Mianangana 2:22

Mwanangana Solomone yamba kuli naye ngwenyi, Kuchi te nunechi Abishaga wa ku Shuneme hali Adonija? Numwichile nawa wanangana, se iye yaya; hali iye ni sasendote Abiatare, ni Joabe mwana Zeluia.

1 Yitanga Ya Mianangana 4:4

Benaia mwana Jehoiada aye kapitau ka tujita. Zadoke ni Abiatare o asasendote.

1 Sango Ja Mianangana 24:6

Mukwa kusonyeka Shemaia mwana Netanele Ka-Levi yaasoneka kumeso ja mwanangana ni alemu ni sasendote Zadoke, ni Ahimeleke mwana Abiatare ni akwa lutwe a minyachi ya atato asasendote ni A-Levi. Zuwo limuwika lia tato hali Eleazare ni limuwika hali Itama.

Mateu 12:4

Ngwe chize anjilile mu zuwo lia Zambi, walile mbolo ja kutumbieka, jize shimbi kuyamutayijile kulia iye, chipwe waze apwile hamwe nenyi, alioze asasendote wika?

Marku 2:25

Iye wambile kuli ayo ngwenyi, Kunwatangile nilimwe tangwa chize alingile David, muze ahonene, evwile zala, iye, ni waze apwile hamwe nenyi?

1 Samuel 21:1

David yaheta ku Nobe kuli sasendote Ahimeleke. Ahimeleke yapatwiza David nikuchikima. Yamba kuli iye ngwenyi, Kuchi te uneza ukawe, kushi ninyumwe mukwenu?

1 Samuel 23:6

Muze Abiatare mwana wa Ahimeleke wachinyinyine kuli David ku Kela, wayile ni efode mu kwoko.

1 Samuel 23:9

David yanyingika ngwenyi, Saulu chipi kananguhalila mba yamba kuli sasendote Abiatare ngwenyi, Neha efode kuno.