Marku 2:24 - MUKANDA USANDU WA ZAMBI 1975

²⁴ A-Fwariseu ambile kuli iye ngwo, Tala, kuchi te analingi ha tangwa lia Sambata chize kuchalitele ni shimbi?

Mukanda Wa Zambi 1970

²⁴ Kashika Afariseu yaamuhula ngwo: “Tala, kuchi kevwe analingi ha tangwa lia kuhwima chize kuchalitele ni Shimbi jetu.”

Marku 2:24 Iomraidhean Croise

Kutuhuka 20:10

Alioze tangwa liamuchishimbiali Sambata kuli Yehova Zambi ye. Kanda ukalingaho milimo niyeyimwe, chipwe yena, chipwe mwané wa lunga, chipwe mwané wa pwo, chipwe ngamba ye wa lunga, chipwe ngamba ye wa pwo, chipwe yimuna je, chipwe njize uli mu chihunda che.

Kutuhuka 31:15

Nukalinge milimo ha matangwa asambano, ahoze tangwa liamuchishimbiali likapwe Sambata ya uhwimino. Yikapwe yisandu ya Yehova. Mweswawo makalinga milimo yimwe ha tangwa lia Sambata, akamushihe lume.

Izaya 56:2

Kawaha mutu yoze malinga chino, ni mwana mutu yoze malalaminyako, yoze mafunga Sambata ni kulijilula ka; kakutunga nawa kwoko lienyi kuchina mulilinga chipi.

Izaya 56:4

Mumu Yehova kanambe ngwenyi, Kuli aunuku waze akufunga masambata jami, waze akufupa yuma yize yakunguwahila yami nikulalaminya ku usendo wami,

Izaya 56:6

Ni tundaka waze akulifutula ni Yehova akamulingile, ni kuzanga jina lia Yehova, akapwe tuvumbi twenyi, waze eswe te akufunga Sambata ni kulijilula, ka, ni kulalaminya ku usendo wami,

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Mateu 12:2

Alioze A-Fwariseu muze achimwene, ambile kuli iye ngwo, Tala, tumbaji twe kanalingi chize kuchalitele ni shimbi kulinga ha tangwa lia Sambata.

Marku 2:16

Akwa kusonyeka ni A-Fwariseu, muze amwene ngwe alile hamwe ni yivulumunyi ni akwa kufwetesa lijimu, ambile kuli tumbaji twenyi, ngwo, Ngwe kuchi akulia ni kunwa hamwe ni akwa kufwetesa lijimu ni yivulumunyi?

Marku 2:25

Iye wambile kuli ayo ngwenyi, Kunwatangile nilimwe tangwa chize alingile David, muze ahonene, evwile zala, iye, ni waze apwile hamwe nenyi?

Marku 2:7

Kuchi te yono anahanjika chocho? Kanashililika Zambi: iya mahasa kukonekena milonga shina umuwika, iye Zambi?

Hebreu 12:3

Mumu Zewulenu kanawa yoze wanyongonwene ha kuhamika chinene cha yivulumunyi, cha kulimika nenyi, hanga kunuchi kevwa yikatalo, kunuchi kulezumioka mu mbunge jenu.