Marku 2:17 - MUKANDA USANDU WA ZAMBI 1975

¹⁷ Muze Yesu achivwile, yamba kuli ayo ngwenyi, Waze akutakama keshi kufupa mbuki, alioze waze akuyiza: chejile mukutambika akwa ululi, alioze nejile mukutambika yivulumunyi alikonyeke.

Mukanda Wa Zambi 1970

¹⁷ Muze Yesu hachivwa yaamba ngwenyi: “Ali ni tachi keeshi kufupa mbuki, alioze shina waze akuyiza e akumufupa. Chejile mu kutambika akwa ululi, alioze akwa lufuma mubi.”

Marku 2:17 Iomraidhean Croise

Izaya 1:18

Yehova kanambe ngwenyi, Tweyenu tulishimwinye hamuwika. Chipwe milonga yenu yachila nge, kumuyipwa yitoma ngwe neve. Chipwe yahiana kuchila, muyalumuka ngwe wanda utoma.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Luka 15:10

Chizechene ngwami, Uwahililo kuuli kumeso ja angelo ja Zambi ha chivulumunyi umuwika yoze malikonyeka.

Luka 15:29

Alioze wakumbulwile tato ngwenyi, Tala, miaka yipwa haha nakukulingila, mba nilimwe tangwa chatangwile shimbi ya yena; hindu kwanguhele mwana-pembe nilimwe tangwa, hanga ngusehejele ni tusendo twami:

Luka 15:7

Ngwami, Chizechene uwahililo unene kumuukapwa mwilu hali chivulumunyi umuwika yoze malikonyeka kuhiana uze ha makumi livwa a akwa ululi ni akwa ululi livwa, waze kuchaatambile kulikonyeka.

Luka 16:15

Iye wambile kuli ayo ngwenyi, Yenu nuli waze akulisambisa kumeso ja atu; alioze Zambi kananyingika mbunge jenu; mumu chize machilemesa chikolo hakachi ka atu, chapwa chizelwokeso kumeso ja Zambi.

Luka 19:10

Mumu mwe Mwana Mutu wejile mukufupa ni kulamwina yoze hanatoko.

Yoano 9:34

Amukumbulwile ngwo, Yena wasemukine liakulu mu milonga, mba unatulongesa yetu, nyi? O amukatwishile.

Yoano 9:40

Waze a kuli A-Fwariseu apwileko hamwe nenyi, evwile yino yuma, o ambile kuli iye ngwo, Ni yetu nawa tuli tupuputa, nyi?

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.