Marku 2:12 - MUKANDA USANDU WA ZAMBI 1975

¹² Iye wakatukile, ni haze hene wanjile chalo chenyi, watuhukile kumeso ja eswe; chocho alishimwokene, achichimiekene Zambi, ngwo, Kutwachimwene chocho nilimwe tangwa.

Mukanda Wa Zambi 1970

¹² Atu eswe yaamutala. Mutu yoze yakatuka, yanda muhela wenyi nikawashi, yatuhuka ku meso ja atu eswe. Ayo eswe yaalishimwoka kuhiana, yaalemesa Zambi ngwo: “Kanda tuchimona kama nilimwe tangwa!”

Marku 2:12 Iomraidhean Croise

Mateu 12:23

Ni mbunga jeswe alishikishilile, ambile ngwo, Yono mwe mwana David, nyi?

Mateu 15:31

chocho mbunga akomokene muze amwene tumama kanahanjika, yitonji angunu, yilema kanende, tupuputa kanalaula ku meso: no achichimiekene Zambi ya Izalele.

Mateu 9:33

Mba muze te hatuhwisa ndemoniu, kamama wahanjikile: ni mbunga alishikishilile ngwo, Kuchasolokele chocho nilimwe tangwa mu Izalele.

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Marku 1:27

Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena.

Marku 2:11

Kuli yena, ngunambe ngwami, Katuka, anda chalo che, uye ku zuwo lie.

Luka 13:13

Iye wasayikile moko jenyi hali iye: haze hene wolokele, wachichimiekene Zambi.

Luka 17:15

Mba umwe wa kuli ayo, muze amwene ngwe wahindukile, wahilukile ni liji linene nikuchichimieka Zambi;

Luka 5:26

Eswe alishikishilile, o achichimiekene Zambi; nikuzala tò ni woma, ngwo, Hitunamono yuma ya yipupu musono uno.

Luka 7:16

Eswe akwachile woma; o achichimiekene Zambi ngwo, Profeta munene hanasoloka hakachi ketu; chikwo ngwo, Zambi hanatale hali atu jenyi.

Yoano 7:31

Alioze anji a ku mbunga amufulielele, o ambile ngwo, Muze Kristu meza malinga yilayi yahiana yize yono hanalingi, nyi?

Yoano 9:32

Chize ku miakulwila kachivwile nilimwe tangwa ngwo, Umwe wapwishile meso ja mutu wasemukine kapuputa.

Yilinga 4:21

Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.