Marku 16:2 - MUKANDA USANDU WA ZAMBI 1975

² Ha chimenemene ha tangwa litangu lia semana, yaya ku fuka, muze te tangwa hiliavumbuka.

Mukanda Wa Zambi 1970

² Chichamene cheswe mu lumingu, ha kuvumbuka cha tangwa, yaaya ku fuka,

Marku 16:2 Iomraidhean Croise

Daniel 6:19

Ha kuvumbuka cha tangwa, mwanangana yakatuka, yaya kapupushi ku wina wa ndumba.

Mateu 28:1

Achi, kulutwe lia Sambata, shimbu kwaputukile kutemwoka ha tangwa litangu lia semana, Maria Ka-Mandala ni Maria mukwo ayile mukutala fuka.

Marku 16:1

Muze te tangwa lia Sambata hiliapalika, Maria Ka-Mandala, ni Maria naye ya Tiangu, ni Salome, alanjile mbuto ya vumba lipema, hanga akaye, akamuwayise nayo.

Marku 16:3

O aliambile umwe kuli mukwo ni mukwo ngwo, Iya matulangumwina liwe ku chikolo cha fuka?

Luka 24:1

Alioze ha tangwa litangu lia semana, chimenemene ayile ku fuka, nikutwala mbuto ya vumba lipema yize alulikile kulu.

Yoano 20:1

Achi ha tangwa litangu lia semana, Maria Ka-Mandala yaya ku fuka ha chimenemene, shimbu te kuchili milima, yamona liwe halichiza ku fuka.