Marku 16:18 - MUKANDA USANDU WA ZAMBI 1975

¹⁸ O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Mukanda Wa Zambi 1970

¹⁸ chibwe akakwate manoka hanji kunwa Chuma chimwe cha kufwa, kuchichi kaalinga nichimwe; kumakasa moko hali mieji, mba kumakahinduka.”

Marku 16:18 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Miaso (Masamu) 91:13

Kumukaliata hali ndumba ni fwiji. Mwevu wa ndumba ni kapela kumukaawonda kushi lia yiliato ye.

Marku 5:23

Yaliumba kuli iye chikolo ngwenyi, Mwanami mukepe wa pwo kanahuzu: tweya kama, usayike moko je hali iye, hanga akapwe mungunu, akatwame ni mwono.

Luka 10:19

Hingunanwehe chiyulo cha kuliata ha tupela ni tuvwanda, ni helu lia tachi jeswe ja mukwa kole, mba nichimwe kuchichi kanulemeka nichimwe.

Yilinga 19:12

chocho achijile ku mujimba wenyi yitambala hanji mapunyu, ayitwalile nikuyisa hali mieji, ni misongo yaakatukile, ni maspiritu api atuhukile muli ayo.

Yilinga 3:12

Petulu ha kuchimona, wambile kuli atu ngwenyi, Yenu A-Izalele, kuchi te nunalishikishila ha chino? Hanji kuchi te nunatuhulikila meso ngwe ni tachi ja yetwene hanji uwayilo wa yetwene twamwendesanga?

Yilinga 3:16

Mba ku Ufulielo ku jina lienyi, jina lienyi hiunatakamisa yono nunamumono, nunamunyingika: ngwami, Ufulielo uze kuli iye hiunamwehe mujimba uno ungunu kumeso ja yenu eswe.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

Yilinga 4:22

Mumu yoze mutu hali iye alingile chilayi chino cha kuhindwisa, hahiana kulu makumi awana a miaka.

Yilinga 4:30

shimbu muolola kwoko lie mukuhindwisa; hanga akalinge yilayi ni yipekesa ku jina lia Kavumbi ke musandu Yesu.

Yilinga 9:34

Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile.

A-ROMA 16:20

Alioze Zambi ya sambukila kumakafwenya Satana kushi lia yiliato yenu kamunomuno. Vumbi lia Mwene wetu Yesu Kristu likapwe hamwe ni yenu eswe. Amene.

1 Korintu 12:9

kuli mukwo, Ufulielo, muli Spiritu umuwika; kuli mukwo, yawana ya vumbi ya kuhindwisa, muli Spiritu umuwika: