Marku 16:15 - MUKANDA USANDU WA ZAMBI 1975

¹⁵ Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Mukanda Wa Zambi 1970

¹⁵ Yesu yaamba ngwenyi: “Yeenu hashi heswe, nukambujolele atu eswe Sango Jibema.

Marku 16:15 Iomraidhean Croise

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Miaso (Masamu) 96:3

Lumbununenu ulemu wenyi hakachi ka mavungu. Lumbununenu yitanga yenyi ya kukomwesa hakachi ka minyachi yeswe.

Miaso (Masamu) 98:3

Hanewuluka utu wa zango lienyi ni umwenemwene wenyi ku jiko lia Izalele. Ndo ku masongo a hashi hanamono ulamwino wa Zambi yetu.

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Mateu 28:19

Yénu kashika, nukatayise tumbaji a ku mavungu eswe, nikwapapachisa mu jina lia Tata, ni lia Mwana, ni lia Spiritu Musandu:

Marku 13:10

Lie sango lipema chatamba kuliambujola hatangu ku mavungu eswe.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 20:21

Yesu kashika wambile kuli ayo cheka nawa ngwenyi, Sambukila kuli yenu: chizechene ngwe Tata hanangutumu, chocho ni yami nawa ngunanutumu.

Yilinga 1:2

ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

A-ROMA 10:18

Alioze ngunambe ngwami, Kevwileko, nyi? Chamwenemwene ngwo, Liji liayo liatuhukile hashi heswe, ni maliji jo ndo ku masongo ja yifuchi yeswe ya hashi.

A-ROMA 16:26

alioze haliapwila hanachisolola, ni ku yisoneko ya aprofeta, nikulita ni chiyulo cha Zambi wa mutolo, hananyingikisa akwa mavungu eswe hanga akononoke ku Ufulielo:

Efesu 2:17

Iye wejile nikwambujola sango lipema lia sambukila kuli yenu nwapwile kusuku, ni sambukila kuli waze apwile hehi;

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.

Kolosu 1:6

Lienalio hilineza kuli yenu, chizechene ngwe hilineza hano hashi heswe mukwima mihuko, nikutatuka chizechene ngwe muli yenu nawa, chize ku tangwa lize nwaliangile kwivwa ni kunyingika liakulu vumbi lia Zambi;

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.

Usolwelo 14:6

Mba namwene mungelo mukwo kanahumuka mukachi ka lilu, kali ni sango lipema lia mutolo mukwambujola kuli akwa hashi, ku mavungu eswe, ni ku minyachi yeswe, ni ku malimi pswe, ni kuli atu eswe.