Marku 16:14 - MUKANDA USANDU WA ZAMBI 1975

¹⁴ Kulutwe walisolwele kuli e kumi ni kashi shimbu anatwama ku mesa; iye waámbilile, mumu kafulieleleko, ni mumu ha kukala cha mbunge, mumu kafulieleleko waze amumwene muze te hahinduka.

Mukanda Wa Zambi 1970

¹⁴ Hakusula, Yesu yasolokela e kumi ni kashi shimbu te anatwama ku mesa. Yaakanyamisa mumu kaafulielele ko, ni mumu ha kukala cha mbunge jo. Kaafulielele ko waze aliangile kumumona muze ahindukile ku kufwa.

Marku 16:14 Iomraidhean Croise

Kwalula 14:11

Yehova yamba kuli Mose ngwenyi, Ndo mwiji muka wano atu mapwa nikungunyehuna? Ndo mwiji muka keshi kungufuliela, chipwe o hanamono yilayi yeswe nalingile hakachi ko?

Mateu 11:20

Hohene waputukile kwámbila membo kuze alingile yipupu yenyi yinji, mumu kalikonyekeneko.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Mateu 28:17

Muze amumwene, amuwayilile; alioze amwe ayambashanyine.

Marku 7:18

Iye yamba kuli ayo ngwenyi, Ni yenu nawa kunushi malinjekela, nyi? Kunwanyingikine ngwo, Cheswacho chakukatuka haze, chikanjile muli mutu, kuchishi kuhasa kumuchisa;

Luka 24:11

Alioze maliji ano asotokele kuli ayo ngwe saki; o kaafulieleleko.

Luka 24:25

Iye wambile kuli ayo ngwenyi, Yenu yelo, ni akwa makoke ku mbunge kufuliela yuma yize yeswe aprofeta ahanjikile.

Yoano 20:25

Tumbaji akwo kashika ambile kuli iye ngwo, Hitwamona Mwene. Alioze iye wambile kuli ayo ngwenyi, Chichi kufuliela shina mungumona mu moko jenyi yito ya mbambo, shina mungusa munwe wami mu yito ya mbambo, shina mungusa kwoko liami mu lumbu lienyi.

Yoano 20:26

Kulutwe lia matangwa nake, tumbaji twenyi apwile cheka nawa muchima lia zuwo, ni Tomase hamwe no, mapito te a kwajila. Yesu yeza, yamana mukachi ko, yamba ngwenyi, Sambukila kuli yenu.

Yoano 20:27

Kulutwe lia chize yamba kuli Tomase ngwenyi, Neha munwe we, utale moko jami, neha kwoko lie, ulise mu lumbu liami: kanda upwa kushi Ufulielo, alioze pwako mukwa kufuliela.

Yoano 21:1

Kulutwe lia yino yuma, Yesu walisolwele cheka nawa kuli tumbaji twenyi ku Chitende cha Taipiria; iye walisolwele ngwe chino.

Yoano 21:14

Chino che chisuho chamuchitatu Yesu walisolwele kuli tumbaji twenyi, muze te hahinduka hakachi ka afu.

Yilinga 1:3

kuli ayo nawa, walisolwele ni mwono ni yinyingi yinji, kulutwe lia lamba lienyi, nikumoneka kuli ayo makumi awana a matangwa, nikuhanjika yuma ya kutwala ku wanangana wa Zambi.

1 Korintu 15:5

amonekene kuli Sefwa; mba kulutwe kuli e kumi ni aali;

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.