Marku 16:10 - MUKANDA USANDU WA ZAMBI 1975

¹⁰ Iye wayile, wambulwilile waze apwile hamwe nenyi, shimbu ananenganyana nikulila.

Mukanda Wa Zambi 1970

¹⁰ Maria yaya ni kwambulwila waze abwile hamwe ni Yesu, shimbu te ananenganyana nikulila.

Marku 16:10 Iomraidhean Croise

Mateu 19:22

Alioze muze mukweze evwile liji lize wakatukile ni chinyengo; mumu wapwile ni upite wunji.

Mateu 24:30

Hohene chilayi cha mwe Mwana Mutu kumuchikasoloka mwilu: ni hohene mavungu eswe a hashi kumakahia mbimbi, kumakamona mwe Mwana Mutu kaneza ha malelwa a mwilu ni tachi ni uhenya unene.

Mateu 9:15

Yesu wambile kuli ayo ngwenyi, Akwa ulungi mahasa kulinyenga shimbu sandungi mapwa hamwe no, nyi? Alioze matangwa kumakeza muze makachiza sandungi kuli ayo, mba hohene makalitwamina kulia.

Marku 14:72

Chisuho chamuchiali ndemba watambikile. Petulu wewulukile liji, ngwe amwambile Yesu ngwenyi, Shimbu ndemba kanda achitambika kaali, kumukalikala yami katatu. Muze achinyongene, Walilile.

Luka 24:17

Alioze wambile kuli ayo ngwenyi, Maliji aka wano nunalihanjieka umwe kuli mukwo shimbu nunende, nikuhombola ku meso?

Yoano 16:6

Alioze mumu hinahanjika yino yuma, mbunge jenu hijazala tò ni chinyengo.

Yoano 20:18

Maria Ka-Mandala yaya, yambulwila tumbaji ngwenyi, Hinamona mwe Mwene; hamba yino yuma kuli yami.