Marku 16:1 - MUKANDA USANDU WA ZAMBI 1975

¹ Muze te tangwa lia Sambata hiliapalika, Maria Ka-Mandala, ni Maria naye ya Tiangu, ni Salome, alanjile mbuto ya vumba lipema, hanga akaye, akamuwayise nayo.

Mukanda Wa Zambi 1970

¹ Muze te tangwa lia kuhwima hiliabalika, Maria Kamandala, ni Salome, ni Maria naye ya Tiangu (Jake) yaalanda maji a vumba libema, hanga akaye akawayise mujimba wa Yesu.

Marku 16:1 Iomraidhean Croise

Ubutukilo 50:2

Yatu ma ngamba jenyi ndotolo akase yitumbo hali tato kuchina mapola, mba ndotolo chocho yalinga kuli Izalele.

2 Sango Ja Mianangana 16:14

Yamufunda mu fuka lienyi lize hatotesa hali iye mwene mu chihunda cha David. Yamusa ha muhela wa tò ni tumbuto twa lupembo mupema ni yitumbo yeka ni yeka ya kululika nikulita ni yinyingi ya mukwa yitumbo. Yalinga kahia kanji ka kumulemesa.

Marku 14:3

Shimbu apwile mu Mbetaniya, mu zuwo lia Semone mukwa mbumba, shimbu atwamine ku mesa, pwo wejile ni kasaji ka yitumbo ya vumba lipema ya ndando yikalu chikolo; iye washihile kasaji, wayitehwine ha mutwe wenyi.

Marku 14:8

Halinga chize wahasa; hawayisa mujimba wami ni yitumbo shimbu kanda, ha kufunda.

Marku 15:40

Kwapwile mapwo nawa nikutalila kusuku, hakachi ko apwile Maria Ka-Mandala, ni Maria naye ya Tiangu mukepe ni ya Jose, ni Salome;

Marku 15:42

Muze hapwile chingoloshi, mumu chapwile Kululika, chenacho tangwa lia kutetekela Sambata.

Marku 15:47

Ni Maria Ka-Mandala, ni Maria naye ya José amwene muze amusele.

Marku 16:2

Ha chimenemene ha tangwa litangu lia semana, yaya ku fuka, muze te tangwa hiliavumbuka.

Marku 16:8

O atuhukile fuji, akachine ku fuka; mumu kuchikima ni kukomoka chaakwachile: o kambile nichimwe kuli niumwe; mumu evwile woma.

Luka 23:54

Lize liapwile tangwa lia kululika, ni tangwa lia Sambata liakundamine.

Luka 23:56

O ahilukile, alulikile mbuto ya vumba lipema ni yitumbo yipema ya kukwita. Ha tangwa lia Sambata anamine nikulita ni liji lia shimbi.

Luka 24:1

Alioze ha tangwa litangu lia semana, chimenemene ayile ku fuka, nikutwala mbuto ya vumba lipema yize alulikile kulu.

Yoano 19:25

Alioze kwamanyine ku kulusu ya Yesu, naye, ni ndumbwa-naye, Maria, pwo lia Keleopa, ni Maria Ka-Mandala.

Yoano 19:31

Kashika A-Yunda, hanga mijimba kuyichi kasala ha makulusu ha tangwa lia Sambata, mumu chapwile Kululika, (mumu tangwa lia Sambata lize liapwile tangwa linene,) alembele kuli Pilatu, hanga akamakune molu jo, akaachizeho.