Marku 15:46 - MUKANDA USANDU WA ZAMBI 1975

⁴⁶ Iye walanjile hina lia linyu, ni muze hamusunwisa, wamuvungile mu hina lia linyu, wamusele mu fuka lia kutota mu liwe; iye walangumwine liwe ku chikolo cha fuka.

Mukanda Wa Zambi 1970

⁴⁶ Neye yalanda hina litoma, yasunwisa we mujimba wa Yesu, yauvunga ni hina lize, yausa mu fuka liakutota mu liwe. Mba yalangumwina liwe linene ku chikolo cha fuka.

Marku 15:46 Iomraidhean Croise

Izaya 22:16

Yika unalingi kuno? Uli neya kuno hiwalitotela kuno fuka? Hiwalitotela fuka ha mulundu, nikwola zuwo lie mu luliwe?

Izaya 53:9

Amuselele fuka lienyi hamwe ni yingulungulu, alioze mu kufwa wapwile hamwe ni pichi, mumu kalingile upupilo niumwe. Chipwe kalimbalimba kamuwanyine mu kanwa lienyi.

Mateu 28:2

Kumanyi, kwapwile minyiko yinene; mumu mungelo wa Mwene wahulumukine mwilu, yaheta, yalangumuna liwe ku chikolo, yatwamaho.

Marku 15:45

Muze achivwile kuli kapitau, wechele mujimba kuli José.

Marku 15:47

Ni Maria Ka-Mandala, ni Maria naye ya José amwene muze amusele.

Luka 23:53

Iye wausunwishine, wauvungile mu hina lia linyu, wamusele mu fuka lia kutota mu liwe, muze kanda achipomba niumwe nilimwe tangwa.

Yoano 11:38

Yesu kashika nikutwa mikuma cheka nawa mu mbunge yenyi, yeza ku fuka. Achi fuka liapwile chivwenge, ni liwe aliseleho.

Yoano 11:41

Achijile kashika liwe; ni Yesu wahetwile meso jenyi kwilu, iye wambile ngwenyi, Tata, ngunakusakwila mumu wanguvwile.

Yoano 20:1

Achi ha tangwa litangu lia semana, Maria Ka-Mandala yaya ku fuka ha chimenemene, shimbu te kuchili milima, yamona liwe halichiza ku fuka.