Marku 15:34 - MUKANDA USANDU WA ZAMBI 1975

³⁴ Mba ha ola yamuchilivwa, Yesu wakololokele ni liji linene ngwenyi, Eloi, Eloi, lama sambatani? Chinalumbunuka ngwo, Zambi yami, Zambi yami, kuchi te wangwehuka?

Mukanda Wa Zambi 1970

³⁴ Ha ola ya muchitatu Yesu yakololoka chikolo ngwenyi: “Eloi, Eloi, lema sabaktani?” Kulumbunuka ngwo: “Zambi yami, Zambi yami, kuchi mba hiwangwehuka?”

Marku 15:34 Iomraidhean Croise

Miaso (Masamu) 22:1

Zambi yami, Zambi yami, kuchi te wangwehuka? Kuchi te uli kusuku ni yami, kwangukwashile, uli kusuku ni maliji jami a mikuma?

Miaso (Masamu) 27:9

Kanda unguswekela meso je; Kanda unguchinda yami kavumbi ke mu utenu we. Yena wapwa chikwashi chami; kanda ungumbila, kanda ungwehuka, yena Zambi ya ulamwino wami.

Miaso (Masamu) 42:9

Mungwamba kuli Zambi liwe liami ngwami, Kuchi te wanguvulama? Kuchi te nakulishimwoka mumu ha kupinjisa cha akwa kole?

Miaso (Masamu) 71:11

Ngwo, Zambi hanamwehuka, mukaulenu numukwate mumu mukwa kumupulula wakuhi.

Izaya 41:17

Muze yiswale ni akwa kuhona mafupa meya, kaawanyine, ni malimi jo kanomu ni pwila, yami Yehova mungwakumbulula, yami Zambi ya Izalele chichi kaehuka.

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Lungungu 5:20

Kuchi te wakutuvulama ku miaka yeswe? Kuchi te hiwatwehuka shimbu lipwa haha?

Daniel 9:21

shimbu munguchihanjika nikulemba, mwe lunga Gabriele, yoze naona te hatangum mu usolwelo, yeza kuli yami nikuhumuka fuji ha ola ya mulambu wa chingoloshi,

Mateu 27:45

Achi, chize ku ola yamuchisambano kwapwile milima hashi heswe ndo ku ola yamuchilivwa.

Mateu 27:46

Alioze ngwe ha ola yamuchilivwa Yesu wakololokele ni liji linene ngwenyi, Eli, Eli, lama sambatani? Acho chinalumbunuka ngwo, Zambi yami, Zambi yami, kuchi te wangwehuka?

Marku 15:25

Hapwile ola yamuchitatu, no amuliachilile ha kulusu.

Marku 15:35

Mba amwe a kuli waze amanyineko, muze achivwile ambile ngwo, Kumanyi, kanatambika Eliya.

Luka 23:44

Hapwile ngwe ola yamuchisambano, ni milima yejile hashi heswe ndo ola yamuchilivwa.

Luka 23:46

Yesu, nikutambika ni liji linene, wambile ngwenyi, Tata, mu moko je ngunakunjika Spiritu yami; muze te hamba chino, watulile mwono wenyi.

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.