Marku 15:28 - MUKANDA USANDU WA ZAMBI 1975

²⁸ Mba chisoneko chamanunukine chize chinambe ngwo, Amwalwile hamwe ni yitanguke.

Mukanda Wa Zambi 1970

²⁸ Chenacho yuma yize yasonewene mu Mukanda wa Zambi yikamanunuke ngwo: “Haanamwalula hamwe ni yingulungulu.”]

Marku 15:28 Iomraidhean Croise

Izaya 53:12

Kashika mungukamwanyina chihanda chenyi hamwe ni akwa ulemu. Yuma ya kupupa mu jita nawa kumakayanyina hamwe ni akwa tachi, mumu wazukwile mwono wenyi mu kutwa, amwalwile hamwe ni yitanguke; wambachile shili ya anji; wahakwilile yitanguke.

Marku 15:27

Hamwe nenyi yaliachila ha makulusu mihuza aali, umwe ku chindume chenyi ni mukwo ku chimeso chenyi.

Marku 15:29

Waze apalikile amutukile, nikulihunga mitwe yo ngwo, Wóló! Yena Wakwonwona tembele, wakuyitunga ha matangwa atatu,

Luka 22:37

Mumu ngunambe kuli yenu ngwami, Chatamba chino chinasonewa kumanunuka muli yami ngwo, Amwalwile hamwe ni yitanguke: mumu yuma ya kutwala kuli yami songo yikwete.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.