Marku 15:21 - MUKANDA USANDU WA ZAMBI 1975

²¹ O yakamba umwe mukwa kupalika te kanakatuka ku minda, Semone, Ka-Serene, tato ya Alezandre ni Rufu, aye no hanga ambate kulusu yenyi.

Mukanda Wa Zambi 1970

²¹ Mu jila yaatakana ni umwe mutu wa ku Sirene, jina lienyi Simone (tato ya Alexandre ni Rufu), te ku munda anakatuka. Yaamwaha kulusu ya Yesu ni tachi, hanga ayimbate.

Marku 15:21 Iomraidhean Croise

Mateu 27:32

Shimbu machituhuka, awanyine mutu wa ku Serene, jina lienyi Semone: amukambile, aye hamwe no hanga ambate kulusu yenyi.

Mateu 5:41

Mweswawo makukamba kuya nenyi kilometro yimuwika, yako nenyi jiali.

Marku 15:20

Muze te hamukekuna, yamuzula hina lia ufungo, yamujika mahina jenyi. O yamutwala haze mukumuhachila ha kulusu.

Luka 14:27

Mweswawo keshi kumbata kulusu yenyi nikungukaula, kahashile kupwa kambaji kami.

Luka 23:26

Shimbu machimutwala, akwachile umwe Semone, Ka-Serene, kanakatuka ku minda, o amutwikile kulusu, ayimbate kunyima lia Yesu.

Yoano 19:17

Iye watuhukile nikumbata kulusu yenyi, akaye kuze anavuluka ngwo, Kavwale, kuze anavulukako mu limi lia Hepreu ngwo, Ngolongota:

Yilinga 11:20

Alioze apwile amwe a kuli ayo, malunga a ku Saipuru ni a ku Sairene, muze ahetele ku Andiakia, ahanjikile kuli A-Ngresia nawa, nikwambujola sango lipema lia Mwene Yesu Kristu.

Yilinga 13:1

Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

Yilinga 2:10

Ni Fwikia, ni Pamafwilia, ni Engitu, ni yihanda ya ku Pute, yize yakusulangana ni Sevwene, ni njize a ku Roma, ni A-Yunda, ni akwa kutayiza a ku mavungu,

Yilinga 6:9

Alioze kwakatukile amwe akwa sunangonga yize ya Libertino, ni amwe a kuli A-Serene, ni a kuli A-Alezandre, ni a kuli akwa Selishia, ni a ku Eshia, mukuhangulula ni Eshetevau.

A-ROMA 16:13

Menekenu Rufu mulemu muli Mwene, ni naye yoze hapwa mama kuli yami.