Marku 15:19 - MUKANDA USANDU WA ZAMBI 1975

¹⁹ Alambile mutwe wenyi ni lumbungu, amufwilile mate, o nikuliumba makungunwa jo, amuwayilile.

Mukanda Wa Zambi 1970

¹⁹ Yaamulambalamba mutondo ha mutwe, yaamufwilafwila mate, yaaliumba ha makungunwa jo ngwe kaanamuwayila.

Marku 15:19 Iomraidhean Croise

Ubutukilo 24:52

Kwapwile muze ndungo ya Apalahama hevwa maliji jo yahetamina hashi kuli Yehova.

Ubutukilo 43:28

O ngwo, Ngamba yenu tata kanahinduka, kali ni mwono. Yahetamisa mitwe yo, yamuwayila.

1 Yitanga Ya Mianangana 19:18

Hindu munguhichika mu Izalele tununu shimbiali waze eswe makungunwa jo kahetamine kuli Mbale ni makanwa jo eswe kamuhele mbeju.

Jobe 13:9

Nyi chocho kuchi munupwa muze manupolongoza? Munuhasa kumwonga ngwe kakwonga mutu?

Miaso (Masamu) 69:12

Waze atwama mu chikolo cha limbo kakunguhanjikila. Hinapwa mwaso wa akwa kuzengewa.

Izaya 45:23

Nalishingile ni yami mwene. Liji limwe hiliatuhuka mu kanwa liami mu ululi, kulichi kuhasa kuhiluka kunyima, ngwami, Kungunwa lieswe mulikazondama kuli yami, ni limi lieswe mulikalishinga.

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Izaya 50:6

Nahanyine nyima yami kuli akwa kulamba, nahanyine matafu jami kuli akwa kusuta wevu. Chaswekele meso jami ku sonyi ni mate.

Izaya 52:14

Chizechene ngwe anji alishimwokene mumu hali iye— ku meso jenyi te hanalumbulako, kapwile nawa ngwe meso ja mutu, kupwa chenyi te kuchalifwile ni kupwa cha mutu—

Mika 5:1

Ena mwana-pwo wa yihuji, likungulule mu yihuji mumu hanatuseleka. Mukwa kuyula Izalele makamulamba ha tafu ni mbwechi.

Mateu 27:30

Muze hamufwila mate, akwachile lumbungu amulambilelambile ha mutwe.

Marku 10:34

o kumakamukekuna, makamulamba ni shikote, makamufwila mate, makamushiha; mba kulutwe lia matangwa atatu, kumakahinduka.

Marku 14:65

Mba amwe aputukile kumufwila mate, nikutuka meso jenyi, nikumumbufula, nikwamba kuli iye ngwo, Profeteza: ni tupita amulambile mbangala.

Marku 15:18

O aputukile kumumeneka ngwo, Vulie! Mwanangana wa A-Yunda!

Marku 15:20

Muze te hamukekuna, yamuzula hina lia ufungo, yamujika mahina jenyi. O yamutwala haze mukumuhachila ha kulusu.

Marku 9:12

Iye wambile kuli ayo ngwenyi, Eliya chamwenemwene mahanga kwiza, akalulike yuma yeswe: alioze ngwe kuchi chinasonewa hali mwe Mwana Mutu ngwo, Makevwa lamba linji, makamupwisa wamokomoko?

Luka 22:63

Malunga waze akwachile Yesu, amukekwine, amulambile.

Luka 23:11

Heronde hamwe ni mbunga ya maswalale jenyi amulelesele, amulenyene, nikumujika hina lia mukambo lia uhenya, amuhilwishile nawa kuli Pilatu.

Luka 23:36

Maswalale nawa amulenyene, nikukundama kuli iye, nikumwaha vinagre.

A-ROMA 11:4

Kumbululo lia Zambi kuli iye kuchi liapwa? Ngwo, Hingunalifungila tununu shimbiali a malunga waze kaliumbile makungunwa kuli Mbale.

Filipu 2:10

hanga mu jina lia Yesu, makungunwa eswe akaliumbe, ni a mwilu, ni a hashi, ni a kushi lia hashi,

Hebreu 13:13

Kashika tutuhukenu tuye kuli iye haze, ni kumbata luchoko yoze amuchokele nenyi Kristu.