Marku 15:15 - MUKANDA USANDU WA ZAMBI 1975

¹⁵ Mba Pilatu se wapalile kuhutula mbunga, waatuswilile Mbarapa, wakunjikile Yesu, muze te hamulamba ni shikote, hanga akamuhachile ha kulusu.

Mukanda Wa Zambi 1970

¹⁵ Pilatu yazanga kuhutula mbunga, kashika yaatuswila Baraba. Muze te halambisa Yesu ni fimbo (shikote), Pilatu yamukunjika hanga amuhate ha kulusu.

Marku 15:15 Iomraidhean Croise

Miaso (Masamu) 129:3

Akwa sharua achipile ha nyima yami. Asuhishile mihanga yo.

Miaso (Masamu) 57:11

Yena Zambi ukanangame helu lia malilu. Ulemu we ukafwe helu lia hashi heswe.

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Izaya 50:6

Nahanyine nyima yami kuli akwa kulamba, nahanyine matafu jami kuli akwa kusuta wevu. Chaswekele meso jami ku sonyi ni mate.

Mateu 20:19

kumakamukunjika kuli akwa mavungu mukumukekuna, akamulambe ni shikote, akamuhachile ha kulusu: ni ha tangwa liamuchitatu kumakahinduka.

Mateu 27:26

Hohene watuswile kuli ayo Mbarapa; alioze walambile Yesu ni shikote, mba wamukunjikile hanga amuhachile ha kulusu.

Marku 10:34

o kumakamukekuna, makamulamba ni shikote, makamufwila mate, makamushiha; mba kulutwe lia matangwa atatu, kumakahinduka.

Marku 15:14

Pilatu wambile kuli ayo ngwenyi, Kuchi te, chipi chika hanalingi? Alioze akololokele kuhiana ngwo, Muhachilenu ha kulusu.

Luka 18:33

o makamulamba ni shikote, makamushiha; ni ha tangwa liamuchitatu kumakahinduka.

Luka 23:16

Kashika mungumulamba ni shikote, mungumutusula.

Yoano 19:1

Hohene kashika Pilatu watwalile Yesu, wamulambile ni shikote.

Yoano 19:16

Hohene kashika wamukunjikile kuli ayo, hanga amuhachile ha kulusu, o atambwile Yesu akamutwale.

Yilinga 24:27

Alioze muze miaka yiali yamanunukine, Porshiu Fesetu wasalakanyine Fwelishia; ni Fwelishia nikuzanga kuwahisa A-Yunda, wahichikile Paulu wa kukasa.

Yilinga 25:9

Alioze Fesetu, nikuzanga kuwahisa A-Yunda, wakumbulwile kuli Paulu ngwenyi, Mukakanduka ku Yerusaleme akakupatwileko kumeso jami ha yino yuma, nyi?

Galashia 1:19

Alioze akwo a kuli apostolo chamwene niamwe shina Tiangu mwanakwo wa Mwene.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.