Marku 15:14 - MUKANDA USANDU WA ZAMBI 1975

¹⁴ Pilatu wambile kuli ayo ngwenyi, Kuchi te, chipi chika hanalingi? Alioze akololokele kuhiana ngwo, Muhachilenu ha kulusu.

Mukanda Wa Zambi 1970

¹⁴ Alioze Pilatu ngwenyi: “Chibi chika kevwe anakalinga?” Hohene atu yaakololoka chikolo ngwo: “Muhachile ha kulusu!”

Marku 15:14 Iomraidhean Croise

Miaso (Masamu) 69:4

Waze ananguvwila kole yamokomoko hahiana kambu ja ha mutwe wami. Kanatakama, waze anazange kungusutula mwono; hapwa akwa kole jami shili yamokomoko. Hohene nahilwishile chize cheyile.

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Izaya 53:9

Amuselele fuka lienyi hamwe ni yingulungulu, alioze mu kufwa wapwile hamwe ni pichi, mumu kalingile upupilo niumwe. Chipwe kalimbalimba kamuwanyine mu kanwa lienyi.

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Mateu 27:4

Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene.

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Marku 15:13

O akololokele cheka nawa ngwo, Muhachilenu ha kulusu.

Marku 15:15

Mba Pilatu se wapalile kuhutula mbunga, waatuswilile Mbarapa, wakunjikile Yesu, muze te hamulamba ni shikote, hanga akamuhachile ha kulusu.

Luka 23:21

Alioze akalumiokene, ngwo, Muhachilenu ha kulusu, muhachilenu ha kulusu.

Luka 23:4

Pilatu wambile kuli asasendote akwa lutwe ni mbunga ngwenyi, Chawanyine chitela nichimwe muli yono mutu.

Luka 23:41

Yetu chamwenemwene chinatute; mumu tunatambula fweto ya kutela yitanga yetu; alioze yono kalingile nichimwe cha kupiasuka.

Luka 23:47

Muze kapitau amwene chize alingile, wachichimiekene Zambi ngwenyi, Chamwenemwene yono mukwa ululi.

Yoano 18:38

Pilatu yamba kuli iye ngwenyi, Umwenemwene kuchi upwa? Muze te hamba chino, watuhukile kuli A-Yunda, yamba kuli ayo ngwenyi, Chawanyine chitela nichimwe muli iye.

Yoano 19:6

Muze kashika asasendote akwa lutwe ni tupita amumwene, akololokele ngwo, Muhachilenu ha kulusu! Muhachilenu ha kulusu! Pilatu yamba kuli ayo ngwenyi, Mutwalenu yenu, numuhachile ha kulusu: mumu yami chawanyine chitela nichimwe muli iye.

Yilinga 13:28

O chipwe kawanyine chitela cha kufwa muli iye, hindu echile Pilatu amushihe.

Yilinga 19:34

Alioze muze asele chinyingi ngwo, Iye Ka-Yunda, eswe ni liji limuwika ngwe ola jiali akololokele ngwo, Ndiana wa kuli A-Efwesu iye munene.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

1 Petulu 1:19

aiioze ni manyinga alemu a Kristu, ngwe a mwanapanga keshi kapalia, keshi chipeka.