Marku 14:72 - MUKANDA USANDU WA ZAMBI 1975

⁷² Chisuho chamuchiali ndemba watambikile. Petulu wewulukile liji, ngwe amwambile Yesu ngwenyi, Shimbu ndemba kanda achitambika kaali, kumukalikala yami katatu. Muze achinyongene, Walilile.

Mukanda Wa Zambi 1970

⁷² Susumuku ndemba yatambika chisuho cha muchaali. Petulu yewuluka maliji waze Yesu amwambile ngwenyi: “Shimbu ndemba kanda achitambika kaali, kumuulikala yami katatu ngwe: ‘Chamunyingikine kwami.’ ” Hohene yabutuka kulila.

Marku 14:72 Iomraidhean Croise

2 Samuel 24:10

Alioze muze hanalula atu mbunge ya David yiyimuhisa. David yamba kuli Yehova ngwenyi, Hinavulumuna chikolo ha kulinga chuma chino, alioze haliapwila ngunalembe, Yehova, Chiza uhenge wa yami kavumbi ke, mumu nalinga ni uhepuke wunji.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Ezekiel 36:31

Henaho munukewuluka ndako jenu jipi ni yitanga yenu yize kuyapemene; mba munukalivwila lwaji ha mukunda wa uhenge wenu ni yitanga yenu ya lwaji.

Ezekiel 7:16

Nyi amwe akwa kwomboka mapwa ni mwono, hindu makapwa ha milundu, ngwe membe a mu yikulo, eswe nikutwa mikuma, mutu mweswe ha mukunda wa uhenge wenyi.

Mateu 26:34

Yesu ngwenyi, Pundu ngwami, Ufuku uno shimbu ndemba kanda achitambika, kumukalikala yami katatu.

Marku 14:30

Yesu yamba kuli iye ngwenyi, Pundu ngunambe kuli yena ngwami, Yena, musono, te ufuku uno, shimbu ndemba kanda achitambika kaali, kumukalikala yami katatu.

Marku 14:68

Alioze walikalile ngwenyi, Chanyingikine, chipwe kuchangulumbunukine chize unambe. Iye watuhukile mushi lia senge; ni ndemba watambikile.

Marku 14:71

Iye waputukile kulishinga ni kushindangana ngwenyi, Chanyingikine yono mutu nunambe.

Luka 22:60

Alioze Petulu wambile ngwenyi, Lunga, Chanyingikine chize unambe. Haze hene shimbu machihanjika, ndemba watambikile.

Luka 22:62

Iye watuhukile, Walilile chikolo.

2 Korintu 7:10

Mumu chinyengo cha kulita ni Zambi kuchakulinga kulikonyekena ku ulamwino, chize kechi kachipihilila nawa: alioze chinyengo cha hano hashi kuchakulinga kufwa.