Marku 14:64 - MUKANDA USANDU WA ZAMBI 1975

⁶⁴ Hinwevwa kushililika Zambi, chika nunanyongo? O eswe amuhishile ngwo, Kanatela kufwa.

Mukanda Wa Zambi 1970

⁶⁴ Hinwevwa chize anashililika Zambi! Kuchi nunanyongo?” Ayo eswe yaamubatwila ngwo: “Kanatela kufwa.”

Marku 14:64 Iomraidhean Croise

Alevi 24:16

Yoze mashililika jina lia Yehova akamushihe. Akwa chikungulwila eswe akamwase mawe. Apwe njize, apwe mwenyembo, muze mashililika lie Jina, akamushihe.

Luka 22:71

O ambile ngwo, Kuchi tunafupu nawa ha Shindakenyo, mumu yetwene hitwevwa ku kanwa lienyi mwene?

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.

Yoano 5:18

Ha chikuma chino kashika A-Yunda afupile kuhiana kumushiha; kuchapwile mumu hatangula Sambata wika, ka, alioze wambile nawa ngwenyi, Zambi iye Tata, nikulitesa ni Zambi.

Shimbi 21:22

Kachi mutu mavulumuna mulonga unate ni kufwa, kufwa chenyi kumusukika ku mutondo,