Marku 14:61 - MUKANDA USANDU WA ZAMBI 1975

⁶¹ Alioze wakolele kulungunga kwenyi, kakumbulwile nichimwe. Cheka nawa sasendote mukwa lutwe wamuhulile, ngwenyi, Mwe Kristu yena, mwe Mwana wa Mukwa kufumana nyi?

Mukanda Wa Zambi 1970

⁶¹ Alioze Yesu yahola kwenyi kuluu. Kakumbulwile liji nilimwe. Mwata yamuhula nawa ngwenyi: “Mwe Chilamwina yoze alakenyene, mwe Mwana Zambi wa lufuma yena, nyi ka?”

Marku 14:61 Iomraidhean Croise

Miaso (Masamu) 119:12

Yena Yehova kuwawaha! Ngulongese kama yiyulo ye.

Miaso (Masamu) 2:7

Kumungwambulula ye shimbi: Yehova hanambe kuli yami ngwenyi, Yena uli mwanami; tangwa lino hinakusema.

Miaso (Masamu) 39:9

Napwile kamama, chapakwile kanwa liami mumu yena wachilingile.

Izaya 53:7

Amuhungumionene, amupinjishile, alioze kapakwile kanwa lienyi. Ngwe mwana-panga yoze mamutwala ku ushihilo, ngwe panga mahola kúlú kumeso ja akwa kumutewula, chochene kapakwile kanwa lienyi.

Mateu 16:16

Semone Petulu wamukumbulwile ngwenyi, Yena uli mwe Kristu, mwe Mwana wa Zambi ya mwono.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Mateu 8:29

No kumanyi, akololokele ngwo, Kuchi yetu ni yena, Yesu mwe Mwana Zambi? Uneza kuno mukutupinjisa shimbu mwaka kanda wiza, nyi?

Marku 14:60

Sasendote mukwa lutwe wakatukile mukachi ka eswe, wahulile Yesu ngwenyi, Kuchi kukumbulula nichimwe, nyi? Kuchi wano anakushindakenya?

Marku 15:2

Pilatu wamuhulile ngwenyi, Mwanangana wa A-Yunda, yena nyi? Iye wamukumbulwile, ngwenyi, Yena wachamba.

Yoano 1:34

Hingunamono; hingunashindakenya ngwami, Yono mwe Mwana Zambi.

Yoano 10:24

A-Yunda kashika amujingilikile, o ambile kuli iye ngwo, Ndo mwiji muka mukatupwisa ni chisweswe? Kachi mwe Kristu yena, twambulwile pundu.

Yoano 10:36

nunambe hali yoze Tata hanamusela ku lisandu, hanamutumu hano hashi ngwenu, Yena unashililika Zambi, mumu hinamba ngwami, Mwe Mwana Zambi yami, nyi?

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.

Yoano 19:9

iye wanjilile mu palasiu cheka nawa, yamba kuli Yesu ngwenyi, Kulihi unakatuka? Alioze kamuhele kumbululo nilimwe.

Yilinga 8:32

Chihanda cha chisoneko chize atangile chapwile chino ngwo, Amutwalile ngwe panga ku Chishihilo; ngwe mwana-panga kumeso ja yoze wakumukamba mahola kulungunga kwenyi, chocho kapakwile kanwa lienyi.

1 Timoteu 1:11

lize linate ni sango lipema lize hanangukunjika, lia uhenya wa Zambi wa kuwaha.

1 Timoteu 6:15

Uze ha mwaka wawo makaulweza, yoze wapwa mukwa kuyula wa kuwaha kanda umuwika, mwe Mwanangana wa mianangana, mwe Mwene wa ene.

1 Petulu 2:23

Muze amutukile, katukanyine; muze evwile lamba, komishine; aiioze walikunjikile ku moko ja yoze wakupatula ni ululi.