Marku 14:6 - MUKANDA USANDU WA ZAMBI 1975

⁶ Alioze Yesu wambile ngwenyi, Mwechenu, kuchi te nunamupikalisa? Halinga chitanga chipema hali yami.

Mukanda Wa Zambi 1970

⁶ Alioze Yesu yamba ngwenyi: “Mwechenu. Kuchi nunamubikalisa? Chize hangulinga chinabeme.

Marku 14:6 Iomraidhean Croise

Izaya 54:17

Nichimwe chikungo muchikawaha nyi hachifula kulimika ni yena. Kumukakumika limi lieswe lize lia kulimika ni yena ha kusopa. Yehova kanambe ngwenyi, Chenacho chihinga cha tuvumbi twa Yehova, chocho nakwasambisa.

Mateu 26:10

Alioze Yesu ha kuchinyingika, wambile kuli ayo ngwenyi, Kuchi te nunapikalisa pwo? Mumu halinga chitanga chipema hali yami.

Marku 14:5

Mumu mahasa kulanjisa yitumbo yino ha ndando yahiana kulakaji atatu a mbongo, akajihane kuli yiswale, chocho alinyenyetene hali iye.

Marku 14:7

Mumu yiswale nuli no hamwe ni yenu matangwa eswe, heswaho munuzanga kwalinga yipema munuhasa: alioze yami, kunushi ni yami matangwa eswe.

Yilinga 9:36

Achi, kwapwile ku Yopa umwe kambaji, jina lienyi Tavwita, Unalumbunuka Kai: yono pwo wazalile tò ni yitanga yipema ni kuhana cha yawana yize alingile.

2 Korintu 10:18

Mumu hi yoze ko malisangalisa mamusela Shindakenyo yipema, alioze yoze Mwene mamusangalisa.

2 Korintu 9:8

Alioze Zambi kanahase kulumbamisa yawana yeswe ya vumbi kuli yenu; hanga yenu, nukapwe matangwa eswe ni kulumbama cheswe ha yuma yeswe, nukahiane mu milimo yeswe yipema:

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Kolosu 1:10

hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:

2 A-TESALONIKA 2:17

akalembejeke mbunge jenu, akanutakamise mu yitanga yeswe yipema ni maliji eswe apema.

1 Timoteu 5:10

kanamushindakenya ha yitanga yipema; kachi hanalele ana kachi hanazumbula ngeji, kachi hanasanyisa yiliato ya asandu, kachi hanakwasa akwa kuyindama, kachi hanakaula yitanga yeswe yipema.

1 Timoteu 6:18

Akalinge yipema, akapwe ni yitanga yipema ya kulumbama, akapwe akwa kunyengumuna, akwa kulianyina,

2 Timoteu 2:21

Kashika kachi mutu malipemesa ku yino, kachi makapwa chikwachilo ku ulemu, musandu, wa kutela uvumbiko wa mwata, wa kululika ha yitanga yeswe yipema.

2 Timoteu 3:17

hanga mutu wa Zambi akapwe mukwa kujama wakuteta liakulu yitanga yeswe yipema.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Titu 2:7

Ha yuma yeswe nikulilweza yena mwene ngwe chilweza cha yitanga yipema; ha kulongesa che ni kulweza ungunu, kushi lwelia,

Titu 3:14

Atu jetu nawa, akalilongese kulalaminya ku yitanga yipema, akahase kukwasa ni yuma yize yinatambe, hanga kechi kapwa ngwe keshi mihuko.

Titu 3:8

Liji lino liamwenemwene. Ha kutwala ku yino yuma ngunazange ukalishinjike, hanga waze hanafuliela kuli Zambi, akase mbunge kulalaminya ku yitanga yipema. Yino yuma yinapeme, yakufumbula atu.

Hebreu 10:24

Tulitalenu umwe kuli mukwo ni mukwo mukukasumuna ku zango ni yitanga yipema.

Hebreu 13:21

akanupwise angunu ha yitanga yeswe yipema, mukulinga upale wenyi, akalinge muli yenu chize chakupemena chikolo kumeso jenyi, kuli Yesu Kristu; uhenya ukapwe kuli iye ndo ku miaka yeswe ya mutolo. Amene.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.