Marku 14:49 - MUKANDA USANDU WA ZAMBI 1975

⁴⁹ Napwile tangwa ha tangwa hamwe ni yenu nikulongesa mu tembele, hindu kunwangukwachile: alioze yisoneko yikamanunuke.

Mukanda Wa Zambi 1970

⁴⁹ Tangwa ha tangwa nabwile hamwe ni yenu ni kunulongesa mu zuwo lia Zambi, hindu kunwangukwachile ko. Alioze yuma yize yasonewene mu Mukanda wa Zambi chatamba yimanunuke.”

Marku 14:49 Iomraidhean Croise

Mateu 1:22

Achi, yino yeswe yapwile hanga chikamanunuke chize ahanjikile Mwene ku kanwa lia profeta ngwenyi,

Mateu 26:54

Ngwe kuchi kevwe yisoneko muyimanunuka ngwo, Chocho chatamba kupwa?

Mateu 26:55

Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Mateu 26:56

Alioze yino yuma yeswe yapwile, hanga yisoneko ya aprofeta yikamanunuke. Hohene tumbaji eswe amwehukile, achinyine.

Marku 10:1

Iye wakatukile kuze, yaheta ku manjiza ja Yundeya ni kuze kanda lia Yordau: ni mbunga yakungama kuli iye cheka nawa; iye ngwe ndako yenyi waalongesele cheka nawa.

Marku 11:27

O yaheta cheka nawa ku Yerusaleme. Shimbu machenda mu tembele, asasendote akwa lutwe, ni akwa kusonyeka, ni makulwana yeza kuli iye;

Marku 12:35

Yesu wakumbulwile, wambile shimbu alongesele mu tembele ngwenyi, Ngwe kuchi akwa kusonyeka akwamba ngwo, Kristu iye mwana David?

Marku 14:48

Yesu waakumbulwile ngwenyi, Nunejila ngwe hali muhuza ni tutana ni mitondo mukungukwata, nyi?

Marku 14:50

Eswe amuhichikile, akachine.

Luka 19:47

Iye wapwile nikulongesa tangwa ha tangwa mu tembele, ni asasendote akwa lutwe ni akwa kusonyeka ni akwa lutwe ja atu afupile kumwonwona.

Luka 22:37

Mumu ngunambe kuli yenu ngwami, Chatamba chino chinasonewa kumanunuka muli yami ngwo, Amwalwile hamwe ni yitanguke: mumu yuma ya kutwala kuli yami songo yikwete.

Yoano 10:23

kwapwile mwaka wa chishika; ni Yesu te kanende mu tembele mu senge lia Solomone.

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.

Yoano 7:37

Achi, ha tangwa lia kusula, lie tangwa linene lia chiwanyino, Yesu wamanyine nikukololoka ngwenyi, Kachi umwe mevwa pwila, eze kuli yami, anwe.

Yoano 8:12

Kashika Yesu wahanjikile cheka nawa kuli ayo ngwenyi, Pangu lia hashi yami: yoze wakungukaula, kechi kenda mu milima, alioze kumakapwa ni pangu lia mwono.

Yoano 8:2

Ha kupatwoka ngwangwangwa wahilukile cheka nawa ku tembele, ni atu eswe ejile kuli iye; iye Watwamine, waalongesele.