Marku 14:41 - MUKANDA USANDU WA ZAMBI 1975

⁴¹ Iye yeza chisuho chamuchitatu, yamba kuli ayo ngwenyi, Fungunukenu haliapwila, nuhwime: kunahu; ola hiyeza; talenu, makunjika mwe Mwana Mutu ku moko ja yivulumunyi.

Mukanda Wa Zambi 1970

⁴¹ Muze heza chisuho cha muchitatu, yaamba ngwenyi: “Hifungunukine, nuhwime, hikwahwa, ola hiyaheta. Talenu, himakunjika Mwana Mutu ku moko ja yivulumunyi.

Marku 14:41 Iomraidhean Croise

1 Yitanga Ya Mianangana 18:27

Ha kuheta tangwa ha muchima, Eliya yaalenya ngwenyi, Tambikenu! mumu iye zambi. Hanji kananyongo, hanji haya kumwe kuma, hanji mu wenyi, hanji hanongwoka mba chatamba kumulawisa.

1 Yitanga Ya Mianangana 22:15

Muze haheta kuli mwanangana, mwanangana yamba kuli iye ngwenyi, Mikaia tuye mukwasa jita ni Ramote-Ngiliate nyi ka? Yamukumbulula ngwenyi Kanduka nikuwaha mba Yehova machikunjika mu kwoko lia mwanangana.

1 MIANANGANA 3:13

Elisha yamba kuli mwanangana wa Izalele ngwenyi, Chika nguli nacho ni yena? Yako kuli aprofeta ja tatenu ni aprofeta ja noko. Mwanangana wa Izalele yamba kuli iye ngwenyi, Hi chocho ko, mumu Yehova hakungulula wano mianangana atatu hamuwika akaakunjike mu moko ja A-Moape.

Longeshi 11:9

Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Ezekiel 20:39

Ha kutwala kuli yenu, akwa munyachi wa Izalele, Mwene Yehova kanambe ngwenyi, Yénu nukalingile mutu mweswe mahamba jenyi, chipwe haliapwila chipwe kulutwe, nyi kunwangupanjikile. Alioze jina liami lisandu kunuchi kajilula nawa nilimwe tangwa ni milambu yenu ni mahamba jenu.

Mateu 26:2

Nunanyingika kulutwe lia matangwa aali, Chizomboka muchipwa, mba makakunjika mwe Mwana Mutu akamuhachile ha kulusu.

Marku 14:10

Yundase, Ka-Keriote, umwe wa kuli kumi ni aali, wayile kuli asasendote akwa lutwe, hanga akamukunjike kuli ayo.

Marku 14:18

Shimbu atwamine ku mesa nikulia, Yesu wambile ngwenyi, Pundu ngunambe kuli yenu ngwami, Umwe wa kuli yenu kumakangukunjika, yoze unali hamwe ni yami.

Marku 14:35

Iye wasosolokele kulutwe hakepe, wafulamanyine hashi, walembele hanga ola yize yikatuke kuli iye kachi muchihasa kupwa.

Marku 14:40

Cheka nawa wahilukile, waawanyine mu tulo, mumu meso jo alemene; o kanyingikine chize mamukumbulula.

Marku 14:42

Tukatukenu, tuyenu; talenu, yoze mangukunjika hakundama.

Marku 7:9

Iye wambile kuli ayo ngwenyi, Pundu nwakulituna liji lia shimbi lia Zambi, hanga nukatange ndongo ja yenwene.

Marku 9:31

Mumu walongesele tumbaji twenyi, nikwamba kuli ayo ngwenyi, Makunjika mwe Mwana Mutu ku moko ja atu, o makamushiha, ni muze hamushiha, kulutwe lia matangwa atatu kumakahinduka.

Yoano 12:23

Yesu yaakumbulula, ngwenyi, Ola hiyeza, mwe Mwana Mutu akanjile mu uhenya wenyi.

Yoano 12:27

Haliapwila mbunge yami yinalipikala, kuchi mungwamba? Tata, ngulamwine ku ola yino. Alioze ha chikuma chino hineza ku ola yino.

Yoano 17:1

Yesu wahanjikile yino yuma; iye nikuhetula meso jenyi kwilu, wambile ngwenyi, Tata, ola hiyeza; chichimieka Mwané, hanga Mwané nawa akakuchichimieke.

Yoano 7:30

Afupile kashika kumukwata, alioze niumwe kamukwachile, mumu ola yenyi kanda yichiza.

Yoano 8:20

Maliji ano wahanjikile mu zuwo lia milambu, shimbu alongesele mu tembele: mba niumwe wamukwachile; mumu ola yenyi kanda yichiza.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

Akwa Kuyula 10:14

Yénu nukatete kuli mazambi aze nwatongwele akanupulule ha mwaka wa kupinda chenu.