Marku 14:36 - MUKANDA USANDU WA ZAMBI 1975

³⁶ Iye wambile ngwenyi, Ta-ta, Tata, yena unahase yuma yeswe; Chiza kama musenge uno kuli yami: hindu kanda chikapwa chize ngunapale yami, alioze chize yena unapale.

Mukanda Wa Zambi 1970

³⁶ Ngwenyi: “A Tata! Tata yami! Yena Unahase yuma yeswe. Unguchize kama musenge uno wa lamba. Hindu kanda chibwa ngwe chize ngunazange yami, alioze ngwe yena unazange.”

Marku 14:36 Iomraidhean Croise

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Jeremia 32:27

Yami nguli Yehova Zambi ya atu eswe a musunya. Chimwe chuma muchingukalila naye?

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 26:42

Cheka nawa chisuho chamuchiali wasosolokele, walembele ngwenyi, Tata, kachi musenge uno kuushi kuhasa kukatuka kuli yami, shina munguunwa, upale we ulingiwe.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Marku 10:27

Yesu nikwatala yamba ngwenyi, Kuli atu kenu machisa, alioze hi kuli Zambi ko: mumu yuma yeswe yinahase kupwa kuli Zambi.

Marku 10:39

O ambile kuli iye ngwo, Mutuhasa. Yesu wambile kuli ayo ngwenyi, Yenu, chamwenemwene, kumunukanwa musenge uze mungunwa yami; kumakanupapachisa ni upapachiso uze mangupapachisa nawo:

Marku 14:37

Iye yeza, yaawana mu tulo, yamba kuli Petulu ngwenyi, Semone, uli mu tulo, nyi? Kwahashile kulá ola yimuwika, nyi?

Yoano 12:27

Haliapwila mbunge yami yinalipikala, kuchi mungwamba? Tata, ngulamwine ku ola yino. Alioze ha chikuma chino hineza ku ola yino.

Yoano 18:11

Yesu kashika wambile kuli Petulu ngwenyi, Tomeka katana ke mu chindalo: musenge uze anguhele Tata chichi kuunwa, nyi?

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yoano 5:30

Chishi kuhasa kulinga nichimwe ukawami: ngwe nakwivwa, chocho nakupatula: ni upatwilo wami wa ululi; mumu chishi kufupa upale wami, alioze upale wa yoze wangutumine.

Galashia 4:6

Mba se nuli ana, Zambi hanatumu Spiritu ya Mwanenyi mu mbunge jetu, kanatambika ngwenyi, Ta-ta, Tata.

Filipu 2:8

Mba se amuwanyine mu mujimba wa mutu, walikehesele, wononokene ndo ku kufwa, ewa, chipwe kufwa cha ha kulusu.

2 Timoteu 2:13

Kachi yetu hi tuli amwenemwene ko, iye katwama wamwenemwene; mumu kahashile kulikala mwene.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.