Marku 14:33 - MUKANDA USANDU WA ZAMBI 1975

³³ Iye yatwala hamwe nenyi, Petulu, ni Tiangu, ni Yoano. Waputukile kulishimwoka, ni kwivwa chikolo kulema mu mbunge.

Mukanda Wa Zambi 1970

³³ Mba yaya ni Petulu, ni Tiangu (Jake), ni Yoano, yabutuka kwivwa chinyengo chinji ni kulema mu mbunge,

Marku 14:33 Iomraidhean Croise

Miaso (Masamu) 38:11

Akwa kunguzanga ni masepa jami kanamana kusuku ni musongo wami. Usoko wami no kusuku anamana.

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Marku 16:5

O ha kunjila mu fuka, amwene mukweze kanatwama ha chindume, kanazala hina lia mukambo litoma, no akomokene chikolo, nikwivwa woma.

Marku 16:6

Iye yamba kuli ayo ngwenyi, Kanda nukomoka: nunafupu Yesu, Ka-Nazare, yoze anakamuhachila ha kulusu: hahinduka; amuno keshimo: talenu, homa haze anakamusa!

Marku 5:37

Iye katayijile niumwe kuya hamwe nenyi shina Petulu ni Tiangu ni mwanakwo Yoano.

Marku 9:15

Haze hene mbunga yeswe, muze amumwene, akomokene chikolo, o nikuzomboka kuli iye, amumenekene.

Marku 9:2

Mba kulutwe lia matangwa asambano, Yesu yatwala hamwe nenyi Petulu ni Tiangu, ni Yoano, yaakandwisa mulundu usuku, ukawo: iye walumukine kumeso jo;

Luka 22:44

Iye nikupinda, walembele ni mbunge yeswe kuhiana, ni matukuta jenyi apwile ngwe masoto anene a manyinga anasotwoka hashi.

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.