Marku 14:31 - MUKANDA USANDU WA ZAMBI 1975

³¹ Alioze wahanjikile nikulihalula kuhiana chikolo ngwenyi, Kachi changutamba kufwa hamwe ni yena, hindu chichi kalikala yena nichimwe. Chizechene ambile o eswe nawa.

Mukanda Wa Zambi 1970

³¹ Alioze Petulu yalihalula chikolo kuhiana ngwenyi: “Chibwe maangushiha hamwe ni yena, hindu chichi kulikala yena nichimwe.” Tumbaji eswe yaamba chizechene.

Marku 14:31 Iomraidhean Croise

1 Yitanga Ya Mianangana 11:22

Falau yamba kuli iye ngwenyi, Chimwe chuma wahona kuno kuli yami kashika unafupu kuya ku chifuchi che nyi? Iye ngwenyi, Chahonene, alioze chipwe chocho ngutayize kuya.

1 MIANANGANA 8:13

Hazaele yamba ngwenyi, Ami kuchi munguhasa kulinga chuma chino chinene? Ami kavumbi kenu nguli kawa lume. Elisha yakumbulula ngwenyi, Yehova hangulwezacho; kumukapwa mwanangana wa Seria.

Miaso (Masamu) 30:6

Yami nambile ha mwaka wa kuyuka, ngwami, Chichi kukokoloka nilimwe tangwa.

Kutuhuka 19:8

Atu eswe yakumbulula hamuwika ngwo, Yuma yeswe hamba Yehova, kumutukalinga. Mose yambulwila Yehova maliji a e atu.

Yishima 16:18

Kulengumuka kuchakutetekela kunonga. Mbunge ya kulizata yatwala ku kulimbuka.

Yishima 18:24

Yoze malizukila masepa anjianji malikokela kwonwona; alioze kwali sepa umwe wakulalaminya kuhiana yoze wasemuka nenyi.

Yishima 29:23

Kulengumuka cha mutu muchimulimbwisa; alioze mukwa kulikehesa mazuka ulemu.

Jeremia 10:23

Yehova, ngunanyingika jila ya mutu kuyapwile ya kuli iye mwene; kuchatwamine muli mukwa kwenda kusongwela mashimbo jenyi.

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Mateu 10:33

Alioze mweswawo malikata yami kumeso ja atu, yami nawa kumungukalikalaye kumeso ja Tata yoze uli mu malilu.

Marku 10:39

O ambile kuli iye ngwo, Mutuhasa. Yesu wambile kuli ayo ngwenyi, Yenu, chamwenemwene, kumunukanwa musenge uze mungunwa yami; kumakanupapachisa ni upapachiso uze mangupapachisa nawo:

Marku 14:30

Yesu yamba kuli iye ngwenyi, Pundu ngunambe kuli yena ngwami, Yena, musono, te ufuku uno, shimbu ndemba kanda achitambika kaali, kumukalikala yami katatu.

Marku 14:32

O yeza kuma kuze jina liako, Ngetesemane: iye yamba kuli tumbaji twenyi ngwenyi, Twamenu hano, shimbu yami mungulemba.

Luka 23:23

Alioze ashinjikile ni kukololoka chinene, nikumwita akamuhachile ha kulusu. Ni maliji jo akumbile.

Yoano 13:37

Petulu yamba kuli iye ngwenyi, Mwene, kuchi te Chahashile kukukaula chipwe haliapwila? Mungulumbika mwono wami hali yena,