Marku 14:26 - MUKANDA USANDU WA ZAMBI 1975

²⁶ Muze te hemba mwaso, atuhukile mukuya ku mulundu wa Olevwe.

Mukanda Wa Zambi 1970

²⁶ Hohene yeemba mwaso, mba yaaya ku mulundu wa Olive.

Marku 14:26 Iomraidhean Croise

Mateu 21:1

Mba muze akundamine ku Yerusaleme, haheta ku Mbetefweje, ku mulundu wa Olevwe, hohene Yesu watumine tumbaji aali,

Mateu 26:30

Mba muze te hemba mwaso, atuhukile kuya ku mulundu wa Olevwe.

Marku 14:25

Pundu ngunambe kuli yenu ngwami, Chichi kanwa nawa nichimwe ku mihuko ya vindera ndo ku tangwa lize muze munguyinwa chaha mu wanangana wa Zambi.

Luka 22:39

Iye watuhukile, wayile ngwe ndako yenyi ku mulundu wa Olevwe; ni tumbaji nawa amukawile.

Yoano 18:1

Muze te Yesu hahanjika maliji ano, watuhukile mukuya hamwe ni tumbaji twenyi mu sali lia lwiji wa Kendrone, muze mwapwile munda, mwenamo wanjilile hamwe ni tumbaji twenyi.

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

1 Korintu 14:15

Mba kuchi? Mungulemba ni Spiritu, mungulemba ni kunyonga nawa: mungwimba uhaliso ni Spiritu, mungwimba uhaliso ni kunyonga nawa.

Kolosu 3:16

Liji lia Kristu Ukatwame muli yenu lia kulumbama ni mana eswe; nikulilongesa nikulikanyamisa umwe ni mukwo, ni masamu ni miaso ni mimbo ya uspiritu, imbenu ni vumbi mu mbunge jenu kuli Zambi.

Tiangu (Jake) 5:13

Kachi umwe hakachi kenu mevwa lamba, alembe, kachi umwe mapwa ni chisambu, akembe uhaliso.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,