Marku 14:24 - MUKANDA USANDU WA ZAMBI 1975

²⁴ Iye wambile kuli ayo ngwenyi, Uno manyinga jami a usendo waha, waze anatehuka mumu hali anji.

Mukanda Wa Zambi 1970

²⁴ Yesu yaamba ngwenyi: “Musenge uno wa vinyu uli manyinga jami waze anakolesa Usendo wa Zambi, waze anamwangana hali atu anji.

Marku 14:24 Iomraidhean Croise

Kutuhuka 24:8

Mose yanda manyinga, yaasapwila hali e atu ngwenyi, Talenu manyinga a usendo Yehova hanakolesa ni yenu ha kutwala ku maliji ano eswe.

Jeremia 31:31

Yehova kanambe ngwenyi, Matangwa kaneza muze mungukolesa usendo waha ni akwa munyachi wa Izalele ni akwa munyachi wa Yunda.

Zakaria 9:11

Ha kutwala kuli yenu nawa, mungukatusula funge jenu ku wina uze kuushi meya mumu ha manyinga ja usendo wami ni yenu.

Marku 10:45

Mumu mwe Mwana Mutu nawa kejileko akamuvumbike, alioze mukuvumbika, akahane mwono wenyi ndando ya ukule hali anji.

Marku 14:23

Iye wanjile musenge, ni muze te hasakwila, waahelewo: no eswe anwine.

Marku 14:25

Pundu ngunambe kuli yenu ngwami, Chichi kanwa nawa nichimwe ku mihuko ya vindera ndo ku tangwa lize muze munguyinwa chaha mu wanangana wa Zambi.

Luka 22:20

Ni musenge chizechene kulutwe lia kulia, ngwenyi, Musenge uno we usendo waha mu manyinga jami, waze anamwangana hali yenu.

Yoano 6:53

Yesu wambile kuli ayo ngwenyi, Pundu, pundu, ngunambe kuli yenu ngwami, Kunushi ni mwono muli yenu shina munulia musunya wa mwe Mwana Mutu, shina mununwa manyinga jenyi.

1 Korintu 10:16

Musenge wa uwape uze twakuwahisa, hi kuhangana cha manyinga ja Kristu ko, nyi? Mbolo yize twakupalula, hi kuhangana cha mujimba wa Kristu ko, nyi?

1 Korintu 11:25

Chizechene nawa musenge kulutwe lia kulia, ngwenyi, Musenge uno we usendo waha mu manyinga jami: chino lingenu yisuho yeswe munuunwa nikungwiwuluka.