Marku 14:21 - MUKANDA USANDU WA ZAMBI 1975

²¹ Mumu mwe Mwana Mutu maya chamwenemwene ngwe chinasonewa ha kutwala kuli iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Mukanda Wa Zambi 1970

²¹ Mwana Mutu kumafwa ngwe chize hichinasonewa mu Mukanda wa Zambi, alioze lamba lienyi yoze makunjika mwe Mwana Mutu! Chinabeme te kachi mutu yoze kasemukine ko kwenyi!”

Marku 14:21 Iomraidhean Croise

Ubutukilo 3:15

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Miaso (Masamu) 55:15

Kufwa chikaalundumukina, susumuku akapalumuke a mwono mu Shiole, mumu ungulungulu watwama mu mazuwo jo hakachi ko.

Izaya 52:14

Chizechene ngwe anji alishimwokene mumu hali iye— ku meso jenyi te hanalumbulako, kapwile nawa ngwe meso ja mutu, kupwa chenyi te kuchalifwile ni kupwa cha mutu—

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mateu 26:54

Ngwe kuchi kevwe yisoneko muyimanunuka ngwo, Chocho chatamba kupwa?

Mateu 26:56

Alioze yino yuma yeswe yapwile, hanga yisoneko ya aprofeta yikamanunuke. Hohene tumbaji eswe amwehukile, achinyine.

Marku 14:20

Alioze waakumbulwile, ngwenyi, Umwe wa kuli kumi ni aali, yoze unatate hamwe ni yami mu chenga.

Marku 14:22

Shimbu machilia, Yesu wanjile mbolo, ni muze te hawahisa, wayipalwile, waaheleyo, nikwamba ngwenyi, Wenu, nulie: yino mujimba wami.

Marku 14:49

Napwile tangwa ha tangwa hamwe ni yenu nikulongesa mu tembele, hindu kunwangukwachile: alioze yisoneko yikamanunuke.

Luka 22:22

mumu mwe Mwana Mutu chamwenemwene maya ngwe amuselelecho; alioze lamba kuli yoze mutu mamukunjika!

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 19:28

Kulutwe lia chino, Yesu, se kananyingika yuma yeswe hiyamanunuka, hanga chisoneko chikamanunuke, yamba ngwenyi, Pwila ngunevu.

Yilinga 1:25

Hanga atambule chihanda cha uvumbiko uno ni upostolo, kuze alimbukilile Yundase, hanga akaye kuma kwenyi mwene.

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Yilinga 4:27

mumu chamwenemwene mu limbo lino, mukulimika ni Kavumbi ke Musandu Yesu, yoze wamuwayishile ni maji, ni Heronde ni Ponteu Pilatu, hamwe ni akwa mavungu ni atu a mu Izalele, akungulukile,