Marku 14:20 - MUKANDA USANDU WA ZAMBI 1975

²⁰ Alioze waakumbulwile, ngwenyi, Umwe wa kuli kumi ni aali, yoze unatate hamwe ni yami mu chenga.

Mukanda Wa Zambi 1970

²⁰ Yesu ngwenyi: “Umwe hakachi kenu kumi ni aali. Yoze unatate hamwe ni yami mu chenga, mwenawo.

Marku 14:20 Iomraidhean Croise

Yishima 19:24

Chileya machupika kwoko lienyi mu chenga, keshi kuzanga kulitwala ku kanwa lienyi.

Mateu 26:23

Iye wakumbulwile, ngwenyi, Yoze unatate kwoko lienyi hamwe ni yami mu chenga, mwenawo mangukunjika.

Mateu 26:47

Shimbu machihanjika, Yundase, umwe wa kuli kumi ni aali, wejile, ni hamwe nenyi mbunga yinene ni tutana ni mbwechi, a kuli asasendote akwa lutwe ni makulwana ja atu.

Marku 14:19

O aputukile kwivwa chinyengo, nikwamba kuli iye, umwe ni umwe ngwo, Yami nyi? Ni mukwo ngwenyi, Yami nyi?

Marku 14:21

Mumu mwe Mwana Mutu maya chamwenemwene ngwe chinasonewa ha kutwala kuli iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Marku 14:43

Haze hene, shimbu machihanjika, Yundase yeza, umwe wa kuli kumi ni aali, ni hamwe nenyi mbunga yinene ni tutana ni mitondo, a kuli asasendote akwa lutwe, ni a kuli akwa kusonyeka ni makulwana.

Luka 22:47

Shimbu machihanjika, mbunga kaneza, ni yoze jina lienyi, Yundase, umwe wa kuli kumi ni aali, wayile kulutwe lio, wakundamine kuli Yesu mukumumbeja.

Yoano 13:26

Yesu yakumbulula ngwenyi, Yoze mungutachila lupapa, mungumwahaye. Kashika muze te hatata lupapa, yamuhana kuli Yundase, mwana Semone, Ka-Keriote.

Yoano 6:71

Achi, wahanjikile ha kutwala kuli Yundase Ka-Keriote, mwana Semone, mumu iye te mamukunjika, se wapwile umwe wa kuli kumi ni aali.