Marku 14:11 - MUKANDA USANDU WA ZAMBI 1975

¹¹ O muze achivwile, awahililile, alilakenyene kumwaha mbongo. Iye wafupile ngwe chize mahasa kumukunjika ha mwaka upema.

Mukanda Wa Zambi 1970

¹¹ No muze haachivwa, yaawahilila, yaalakenya kumwaha mbongo. Mba Yudase yabutuka kufupa mana a kumukunjika.

Marku 14:11 Iomraidhean Croise

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

1 MIANANGANA 5:26

Aye yamba kuli iye ngwenyi, Te mbunge yami kuyayile hamwe ni yena muze lunga akatukanga mu temba lienyi kukupatwiza? Te lino liapwa tangwa lipema kuzuka mbongo, nikuzuka uzalo, ni minda ya olevwe, ni minda ya uva, ni mapanga, ni ngombe, ni ndungo ja malunga ni ja mapwo nyi?

Hosea 7:3

Kakuwahisa mwanangana ni ungulungulu wo, kakuwahisa alemu ni mafwefwe jo.

Mateu 26:14

Hohene umwe wa kuli kumi ni aali, jina lienyi, Yundase, Ka-Keriote, wayile kuli asasendote akwa lutwe,

Mateu 26:15

ngwenyi, Kuchi munungwaha kachi mungumukunjika kuli yenu, no apezalishile hali iye makumi atatu a mbongo ja prata.

Marku 14:10

Yundase, Ka-Keriote, umwe wa kuli kumi ni aali, wayile kuli asasendote akwa lutwe, hanga akamukunjike kuli ayo.

Marku 14:12

Ha tangwa litangu lia mbolo yize kuyishi futunwiso, muze ashihile chitapo cha Chizomboka, tumbaji twenyi yamba kuli iye ngwo, Kulihi unazange tukalulike hanga ukalie Chizomboka?

Luka 22:3

Mba Satana wanjilile muli Yundase, jina lienyi likwo, Ka-Keriote, yoze hanamwalula wa kuli kumi ni aali.

1 Timoteu 6:10

Mumu chipululu cha mbongo chikota cha yipi yeswe: amwe nikujifupa, hanapianguka ku Ufulielo, hanalituwu ni yikola yinji.

Yuda 1:11

Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.