Marku 14:1 - MUKANDA USANDU WA ZAMBI 1975

¹ Achi, kulutwe lia matangwa aali, Chizomboka ni chiwanyino cha mbolo kuyishi futunwiso muchipwa. Asasendote akwa lutwe ni akwa kusonyeka te kanafupu ngwe chize mahasa kumukwata ni kalimbalimba, akamushihe.

Mukanda Wa Zambi 1970

¹ Yikubwa matangwa aali ndoo ku chiwanyino cha Kubalika ni cha Mbolo Yize Kuyishi Yitumbo. Mahako a lutwe a Zambi ni alongeshi a Shimbi yaafupa mana ja kukwata Yesu ku tenga hanga akamushihe.

Marku 14:1 Iomraidhean Croise

Ubutukilo 37:18

O yamumona kusuku, mba shimbu kanda achiheta kuli ayo yamutwama punga akamushihe.

Miaso (Masamu) 52:3

Yena kuwazanga yipi hi yipema ko. Kuwazanga mahuza, kwazangile kuhanjika ululi.(Litulike.)

Miaso (Masamu) 62:4

Kakutwama punga chuma chimuwika akamunungune ku upeme wenyi. Kakuwahilila ni mahuza. Kakuwahisa ni makanwa, alioze muchima kakutuka.(Litulike.)

Miaso (Masamu) 62:9

Chamwenemwene atu aze keshi ulemu apwa amokomoko; atu alemu o apwa mahuza. Kwasa mu pezu mazunduka; eswe hamuwika anahuhuka; ni mwiku shinaho.

Kutuhuka 12:1

Yehova yamba kuli Mose ni Arone mu chifuchi cha Engitu ngwenyi,

Alevi 2:6

Ukaupalule, ukazujileho maji, mumu mulambu wa wunga.

Mateu 12:14

Alioze A-Fwariseu atuhukile, amutwamine punga chize mahasa kumwonwona.

Mateu 6:2

Kashika muze muhana yawana, kanda ukemba chitavwi kulutwe lie, ngwe yilembese akulinga mu masunangonga ni mu mikombwelo, hanga akaachichimieke kuli atu. Pundu ngunambe kuli yenu ngwami, Hanatambula kwononona cho.

Marku 14:12

Ha tangwa litangu lia mbolo yize kuyishi futunwiso, muze ashihile chitapo cha Chizomboka, tumbaji twenyi yamba kuli iye ngwo, Kulihi unazange tukalulike hanga ukalie Chizomboka?

Marku 14:2

Mumu ambile ngwo, Hi ha tangwa lia chiwanyino ko, kuchina hanji mukukapwa zungo hakachi ka atu.

Yoano 11:47

Asasendote akwa lutwe kashika ni A-Fwariseu alikungulwile mukutwama punga, o ambile ngwo, Kuchi mutulinga? Mumu yono mutu kakulinga yilayi yinji.

Yoano 13:1

Achi, shimbu te chiwanyino cha Chizomboka kanda chiheta, Yesu nikunyingika ola yenyi hiyeza akatuke hashi akaye kuli mwe Tata, se hanazange nienyi mwene, waze apwile hano hashi, waazangile ndo ku songo.

Yilinga 12:4

Ni muze te hamukwata, wamusele mu zuwo lia ususu, wamukunjikile ku mbunga jiwana ja maswalale amufunge; se wahalile kulutwe lia Chizomboka kumuneha haze kuli atu.