Marku 13:8 - MUKANDA USANDU WA ZAMBI 1975

⁸ Mumu akwa vungu limwe kumakakatukila akwa vungu likwo, akwa wanangana umwe kumakakatukila akwa wanangana ukwo; kumukukapwa minyiko kweka ni kweka; kumukukapwa tupunga ni lamba: yino yuma we uputukilo wa yikola.

Mukanda Wa Zambi 1970

⁸ Mumu vungu ni vungu kumaakasa jita. Wanangana kumukalimika ni wanangana ukwo. Minyiko ya hashi muyikabwa kweka ni kweka. Zala yinji muyikabwa. Yuma yino yeswe muyikalifwa ngwe kabutu ka yikola ya kusema.

Marku 13:8 Iomraidhean Croise

2 Sango Ja Mianangana 15:6

Amakukine, vungu kulilamba ni vungu, chihunda kulilamba ni chihunda, mumu Zambi waapinjishile ni luyinda mweka ni mweka.

Miaso (Masamu) 48:6

Kuchikima chaakwachile kwenako; kupinda ngwe kufumbajala cha pwo.

Izaya 19:2

Munguvundula A-Engitu akalimike ni A-Engitu, kumakasa jita, mutu mweswe ni usoko wenyi ni mutu mweswe ni mwenyembo wenyi. Chihunda muchikalimika ni chihunda, akwa wanangana umwe malimika ni akwa wanangana ukwo.

Izaya 29:6

Yehova-wa-Tujita meza kuli yena ni kukulunguza, ni munyiko, ni Chizungozungo, ni chijimbi, ni kangonga, ni mulengi wa kahia ka kulalisa.

Izaya 37:3

O yamba kuli iye ngwo, Hezekia kanambe ngwenyi, Tangwa lino tangwa lia lamba, tangwa lia kutwamba, tangwa lia sau, mumu ana haheta ku ola ya kusemuka, alioze tachi jakuhi ja kwasema.

Jeremia 13:21

Yika muwamba muze masa helu iia yena waze yena mwene waalongesele kupwa masepa je? Te kuchi kwivwa yikola, ngwe ya pwo mukwa kufumbajala?

Jeremia 22:23

Ena watwama ha Lebano nikusa chaswa che ku misedru muwiza kutwa mikuma muze misongo ye muyikuwana; yikola ngwe ya pwo mu kufumbajala.

Jeremia 25:32

Yehova-wa-Tujita kanambe ngwenyi, Chuma chikalu chinayi ku vungu ni vungu mba kangonga munene kanavunduka chize ku masongo a hashi kusuku.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 49:24

Ndamaseku hahonga, halumuka akachine mumu mwongo hiwamukwata. Kulifwita ni kulinyenga chamukwata ngwe pwo ha kufumbajala.

Jeremia 50:43

Mwanangana wa Babilonia wevwile lufuma wo mba moko jenyi ahongele ni upekepeke. Kulifwita chamukwachile; yikola ngwe ya pwo ha kufumbajala.

Jeremia 6:24

Hitwevwa lufuma wacho, mba moko jetu kanazeye ni upekepeke. Kupinda hichatukwata; yikola ngwe ya pwo ha kufumbajala.

Hagai 2:22

mungununguna ngunja ja mawanangana; mungwonwona tachi ja mawanangana ja mavungu, nikununguna matemba-a-jita ni akwa kwaendesa. Tuvwalu ni akwa kwaendesa malimbuka mweswe ku katana wa mukwo.

Zakaria 14:13

Ha tangwa lize umwe mwongo unene wa kuli Yehova muukaakwata, chocho mutu mweswe makwata ku kwoko lia mukwo, ni kwoko lia umwe mulikazunduka kulimika ni kwoko lia mukwo.

Mateu 24:8

Alioze yino yuma yeswe we uputukilo wa yikola.

Marku 13:7

Alioze muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa.

Marku 13:9

Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo.

Yilinga 11:28

Mba umwe wa kuli ayo, jina lienyi Angavu, yakatuka, yalweza ku tachi ja Spiritu ngwenyi, Mukukapwa kapunga munene mu yifuchi yeswe ya hashi; mwenawo wapwile ha matangwa ja Kelautiu Sesare.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

Usolwelo 6:4

Ni kavwalu mukwo muchila watuhukile: ahanyine kuli yoze watwamineho mukuchiza sambukila hashi, hanga akalishihe umwe ni mukwo ni mukwo; mba amuhele katana munene.