Marku 13:7 - MUKANDA USANDU WA ZAMBI 1975

⁷ Alioze muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa.

Mukanda Wa Zambi 1970

⁷ Muze munukevwa lundunjila wa jita hakamwihi, ni sango ja jita kusuku, kanda nukevwa woma. Chatamba yino yuma kubwa, alioze songo kanda lichibwa.

Marku 13:7 Iomraidhean Croise

2 Samuel 14:14

Mumu chatutamba kufwa. Tuli ngwe meya aze anamwangana hashi keshi kuhasa kwaanda nawa. Chipwe Zambi keshi kuchiza mwono alioze kakululika shimbi, keshi kumbila liakulu yoze hamuhuma.

Miaso (Masamu) 112:7

Kechi kevwa woma wa lusango mupi. Mbunge yenyi yinajikiza nikufuliela Yehova.

Miaso (Masamu) 27:3

Chipwe yizavu ya tujita manguseleka ni mbalaka jo, mbunge yami kuyichi kwivwa woma. Chipwe jita muyingusangumukina, hindu mungujikiza.

Yishima 3:25

Kanda wivwa woma wa mwongo wa susumuku, hanji wa kwonwona cha yingulungulu muze muchiza;

Izaya 8:12

Chize wano atu matongola ngwo, Utwahe, kanda uchitongola yena ngwe, Utwahe. Chize o mavwila woma, kanda uchivwila woma yena, chipwe kwivwa mwongo.

Jeremia 51:46

Mbunge jenu kanda jilezumuka hanji kwivwa woma ha kwivwa ndundumwino mu chifuchi muze ndundumwino muyiza mwaka umwe, ni ndundumwino yikwo mu mwaka ukwo, ni upupilo uli mu chifuchi, ni mukwa kuyula kanalimiki ni mukwa kuyula.

Mateu 18:7

Lamba kuli akwa hashi mumu ha yitalingiso! Mumu chatamba yitalingiso yikeze, hindu lamba kuli yoze mutu maneha chitalingiso.

Mateu 2:3

Muze mwanangana Heronde achivwile, walipikalile, ni A-Yerusaleme eswe hamwe nenyi.

Marku 13:6

Mumu anji kumakeza mu jina liami, nikwamba ngwo, Mwe Kristu yami, makapiangula anji.

Marku 13:8

Mumu akwa vungu limwe kumakakatukila akwa vungu likwo, akwa wanangana umwe kumakakatukila akwa wanangana ukwo; kumukukapwa minyiko kweka ni kweka; kumukukapwa tupunga ni lamba: yino yuma we uputukilo wa yikola.

Yoano 14:1

Mbunge jenu kanda jilipikala: nwafuliela Zambi, fulielenu yami nawa.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yilinga 17:3

Nikulumbununa pundu nikulweza ngwe chatamba Kristu kwivwa lamba, nikuhinduka hakachi ka afu; ngwenyi, Yono Yesu ngunanwambulwilayo, iye mwe Kristu.