Marku 13:6 - MUKANDA USANDU WA ZAMBI 1975

⁶ Mumu anji kumakeza mu jina liami, nikwamba ngwo, Mwe Kristu yami, makapiangula anji.

Mukanda Wa Zambi 1970

⁶ Anji maakeza mu jina liami nikwamba ngwo: ‘Yami mwe Chilamwina yoze Zambi alakenyene.’ Kumaakapiangula anji.

Marku 13:6 Iomraidhean Croise

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Mateu 24:11

Ni aprofeta anji a kwonga kumakasoloka, mamupiangula anji.

Mateu 24:5

Mumu anji kumakeza mu jina liami ngwo, Yami nguli mwe Kristu; mba makapiangula anji.

Marku 13:22

mumu akristu a kwonga ni aprofeta a kwonga kumakeza, makalweza yilayi ni yipekesa mukupiangula chipwe waze hanaatongola, kachi maahasa.

Marku 13:5

Yesu waputukile kwamba kuli ayo ngwenyi, Kanyamenu ngwami, Niumwe kanda akanupiangula.

Marku 13:7

Alioze muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa.

Yoano 5:43

Nguneza mu jina lia mwe Tata, kunushi kungutambula: kachi mukwo meza mu jina lienyi mwene, munukamutambula.

Yoano 8:24

Hinamba kuli yenu ngwami, Munukafwa mu milonga yenu: mumu kumunukafwa mu milonga yenu shina munufuliela yoze nguli.

Yoano 8:28

Yesu kashika wambile kuli ayo ngwenyi, Muze hinwazundula mwe Mwana Mutu, hohene munukanyingika yoze nguli; chishi kulinga nichimwe cha kuli yami mwene; alioze chizechene ngwe Tata wangulongesele, nakuhanjika yino yuma.

1 Yoano 4:1

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.