Marku 13:27 - MUKANDA USANDU WA ZAMBI 1975

²⁷ Hohene makatuma angelo jenyi, akakungulule waze hanaatongola iye, ku fuji jiwana, ku kusula songo lia hashi ndo ku kusula songo lia lilu.

Mukanda Wa Zambi 1970

²⁷ Hohene Zambi makatuma tunganda a mwilu, hanga akakungulule waze hanatongola iye mwene, ku mbango jeswe jiwana, chize ku songo limwe lia hashi ndoo ku songo likwo.”

Marku 13:27 Iomraidhean Croise

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Izaya 65:9

Yakomba makangwaha ana. Yunda makangwaha amwe kuswana milundu yami. Waze naatongwele mayihinga, tuvumbi twami makatwamako.

Zakaria 2:6

Ivwenu! Ivwenu! Yehova kanambe ngwenyi, Chinenu chifuchi cha ku Norte. Mumu nanumwangine mwamwa ngwe fuji jiwana ja malilu. Chocho kanambe Yehova.

Mateu 12:42

Ha upatwilo mwanangana wa pwo wa ku Sule kumakahinduka ni chisemuko chino, mba makachihisa: mumu iye wakatukile ku masongo a hashi mukwivwa mana ja Solomone; mba, umwe Wahiana Solomone kuno kwali.

Mateu 13:41

Mwe Mwana Mutu kumakatuma angelo jenyi, kumakakunga yitalingiso yeswe ni waze akulinga uhulia, makaachiza mu wanangana wenyi.

Mateu 13:49

Chocho kumuchikapwa ha kumanunuka cha mwaka; angelo kumakatuhuka akahandunune yingulungulu hakachi ka akwa ululi.

Mateu 24:22

Nyi kachi matangwa aze kaatepulwileko, kachi mutu niumwe malilamwina; alioze mumu hali waze hanaatongola, matangwa aze kumakatepuluka.

Mateu 24:24

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Mateu 24:31

Kumakatuma angelo jenyi ni liji linene lia chitavwi, no makakungulula waze hanaatongola kuli iye ku fuji jiwana, ku songo limwe lia malilu ndo ku songo likwo.

Marku 13:20

Nyi kachi Mwene katepulwile matangwa aze kachi mutu niumwe malilamwina; alioze mumu hali waze hanaatongola, waze hanaatongola iye, watepulwile matangwa aze.

Marku 13:22

mumu akristu a kwonga ni aprofeta a kwonga kumakeza, makalweza yilayi ni yipekesa mukupiangula chipwe waze hanaatongola, kachi maahasa.

Marku 13:28

Achi, lilongesenu chishima ku mukuyu: muze te mutango wawo hiwovula, muusokoloka mafwo, mununyingika lwiza hapwa hakamwihi.

Luka 16:22

Mba chiswale wafwile ni angelo amusele mu kondo ya Apalahama; ni pichi nawa yafwa, yamufunda.

Luka 18:7

Ni Zambi kechi kukala waze hanaatongola, waze akukololoka kuli iye mwalwa ni ufuku, chipwe kakupwa ni uhomboloji hali ayo shimbu linene, nyi?

Yoano 10:16

Mapanga akwo nguli no, waze hi a ku limba lino ko, waze nawa, changutamba kwaneha, kumakevwa liji liami; o kumakapwa chendo chimuwika, kafunga umuwika.

Yoano 11:52

ni hi vungu wika ko, alioze hanga akakungulule nawa kuli umuwika ana a Zambi waze anamwangana.

A-ROMA 8:33

Iya masuma mulonga waze hanaatongola Zambi? Ngwetu, Zambi yoze wakusambisa, nyi?

Shimbi 30:4

Chipwe amwe a kuli yenu hanaamwange ku masongo a malilu, mba ku kuze Yehova Zambi yenu makanukonga, ku kuze iye makanusaka.

Kolosu 3:12

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji;

2 A-TESALONIKA 2:1

Achi, tunaliumbu kuli yenu, mandumbu, ha kutwala ku kuheta cha Mwene wetu Yesu Kristu, ni kukunguluka chetu kuli iye,

2 Timoteu 2:10

Ha chikuma chino nakunyongonona mu yuma yeswe, mumu hali waze hanaatongola, hanga akazuke ulamwino uze uli muli Kristu Yesu, hamwe ni uhenya wa mutolo.

1 Petulu 1:2

waze hanaatongola nikulita ni chinyingi cha kulutwe cha Zambi Tata, nikulita ni tachi ja Spiritu, ha kutusela ku usandu hanga twononoke, atusapwile ni manyinga a Yesu Kristu: Vumbi kuli yenu ni sambukila yikalumbame.