Marku 13:2 - MUKANDA USANDU WA ZAMBI 1975

² Yesu wambile kuli iye ngwenyi, Unamono mazuwo ano anene? Kechi kahichika liwe nilimwe ha liwe likwo, lize kechi kalipuzula.

Mukanda Wa Zambi 1970

² Yesu yamba ngwenyi: “Unamono mazuwo wano anene anene? Liwe nilimwe kulichi kasala liakunangika helu lia likwo, eswe kumaakabuzula.”

Marku 13:2 Iomraidhean Croise

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Mateu 24:2

Alioze waakumbulwile, ngwenyi, Kunwamwene yuma yino yeswe, nyi? Pundu ngunambe kuli yenu ngwami, Kechi kahichika kuno liwe nilimwe ha liwe, lize kechi kalipuzula.

Luka 21:6

Ha kutwala ku yuma yino nunamono, matangwa kumakeza muze kechi kahichika kuno liwe nilimwe ha likwo, lize kechi kalipuzula.

Yilinga 6:14

Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.

Usolwelo 11:2

Alioze yize, yize yili haze lia tembele, hichika, kanda uyeseka; mumu hanayihana kuli akwa mavungu: ni limbo lisandu kumakaliliata kushi lia yiliato makumi awana a tukweji ni tukweji aali.