Marku 13:14 - MUKANDA USANDU WA ZAMBI 1975

¹⁴ Alioze muze munumona chizelwokeso cha kwenyeka chinamana kuze kuchatambile kumana (yoze matanga, akase chinyingi), hohene waze mapwa mu Yundeya, akachinyine ku milundu:

Mukanda Wa Zambi 1970

¹⁴ “Muze munukamona ‘Chipupu cha Kuvwisa Woma’, chinamana kuze kuchatambile kumana, (Yoze wakutanga ase yuma yino chinyingi!), hohene waze maakabwa mu Yudea chaatamba kuchinyina ku milundu.

Marku 13:14 Iomraidhean Croise

Lungungu 1:10

Mukwa kole hazoza moko jenyi ha yuma yenyi yeswe yilemu; ewa, hamona mavungu kulokola muma mwenyi musandu; waze te yena waakanjishile kunjila mu chikungulwila.

Ezekiel 44:9

Kashika Mwene Yehova kanambe ngwenyi, Hakachi ka tundaka waze eswe ali hakachi ka A-Izalele niumwe kandaka, chilima mu mbunge yenyi ni mu musunya wenyi, makanjila mu zuwo liami lisandu.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 12:11

Chize ku tangwa lize makachiza mulambu wa kulumba wa matangwa eswe, ni kumika cha chizelwokeso cha kwenyeka, kumukukapwa kanunu ka matangwa ni kulakaji aali a matangwa ni makumi livwa a matangwa.

Daniel 8:13

Mba nevwile umwe musandu kanahanjika, ni musandu mukwo kanambe kuli yoze waliangile kuhanjika ngwenyi, Usolwelo uno wa mulambu wa kulumba wa matangwa eswe, ni Utanguko wa kupwisa hululu, ni kuhana zuwo lisandu ni mbunga ayiliate, wa shimbu lika?

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Mateu 13:51

Yesu yamba kuli ayo ngwenyi, Hinwasela chinyingi yino yuma yeswe, nyi? O yamba kuli iye ngwo, Ewa, Mwene.

1 Korintu 14:20

Mandumbu, kanda nupwa ana mu kunyonga chenu: hindu mu uhuka pwenu ana-akemba, alioze mu kunyonga pwenu makulwana.

Usolwelo 1:3

Kawaha yoze matanga, ni waze mevwa maliji a uprofeto, waze mafunga yuma yize yinasonewamo: mumu mwaka hakamwihi uli.

Usolwelo 13:18

Muno muli mana, yoze ukwete malinjekela, alule chize analula ngongo; mumu chize anamwalula chize analula mutu: ni chize anamwalula ngwo, Kulakaji asambano ni makumi asambano ni sambano.