Marku 13:13 - MUKANDA USANDU WA ZAMBI 1975

¹³ Kumakanuvwila kole kuli eswe mumu ha jina liami: alioze yoze manyongonona ndo ku songo, kumakamulamwina.

Mukanda Wa Zambi 1970

¹³ Atu eswe maakanuvutwokela mumu hali yami. Alioze yoze makanyongonona ndoo ku songo, kumakamulamwina.”

Marku 13:13 Iomraidhean Croise

Daniel 12:12

Kawaha mukwa kutwaminyina akahete ku kanunu ka matangwa ni kulakaji atatu a matangwa ni makumi atatu a matangwa ni matangwa atano.

Mateu 10:22

Kumakanuvwila kole kuli eswe mumu ha jina liami: alioze yoze manyongonona ndo ku songo kumakamulamwina.

Mateu 24:13

Alioze mweswe manyongonona ndo ku songo, kumakamulamwina.

Mateu 24:9

Hohene makanukunjika ku luyinda, no kumakanushiha, kumakanuvwila kole ku mavungu eswe mumu ha jina liami.

Marku 13:12

Mukulwana kumakakunjika mwanakwo ku kufwa, tato makakunjika mwanenyi; ana kumakakatukila yisemi, makaashihisa.

Luka 21:17

Kumakanuvwila kole kuli eswe mumu ha jina liami.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Yoano 15:21

Alioze yino yuma yeswe makalinga kuli yenu, mumu ha jina liami, mumu kanyingikine yoze wangutumine.

Yoano 17:14

Hingunahe liji lie; hi akwa hashi Kanaavwila kole, mumu o hi akwa hashi ko, chizechene ngwe yami hi nguli mukwa hashi ko.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

Galashia 6:9

Mba kanda tulezumuka ha kulinga kanawa; mumu ha mwaka wacho kumutukacha nyi kutuchi kakokoloka.

Hebreu 10:39

Alioze yetu hi tuli akwa kusosolokela kunyima ko ku kwonwona; aiioze tuli akwa kufuliela ha ulamwino wa mwono.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

1 Yoano 3:13

Kanda nukomoka, mandumbu, kachi akwa hashi manuvwila kole.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 3:10

Mumu hiunafungu liji lia uhumikizo wami, yami nawa kumungukakufunga ku ola ya cheseko, yize muyiza ha yifuchi yeswe ya hashi mukweseka waze akutwama hashi.