Marku 13:11 - MUKANDA USANDU WA ZAMBI 1975

¹¹ Alioze muze manutwala mukunukunjika kanda nukalipikala shimbu kanda ha kutwala ku chize munukamba, chipwe kanda nukachipukuna; alioze cheswacho makanwaha ha ola yize, che chize nukachihanjike; mumu hi yenu ko nwakuhanjika, alioze Spiritu Musandu.

Mukanda Wa Zambi 1970

¹¹ Muze maakanukwata ni kunukunjika kuli ngaji, kanda nukalibikala ha chize munukakumbulula. Munukahanjika yeswe yize makanwaha ha ola yize, mumu hi yenu ko munukahanjika, alioze Mwiku wa Linanga.

Marku 13:11 Iomraidhean Croise

2 Samuel 23:2

Spiritu ya Yehova wahanjikile muli yami, Liji lienyi liapwile ha limi liami.

Izaya 50:4

Mwene Yehova hanangwehe limi lia mukwa kulongoloka, hanga ngukanyingike kukolesa mukwa yikatalo ni liji. Tangwa ha tangwa ha chimene kakulawisa; kakulawisa twitwi liami ngwivwe ngwe akwa kulongoloka.

Mateu 10:17

Alioze keyelenu atu, mumu kumakanukunjika kuli akwa kuyula, kumakanulamba ni shikote mu masunangonga jo.

Marku 13:12

Mukulwana kumakakunjika mwanakwo ku kufwa, tato makakunjika mwanenyi; ana kumakakatukila yisemi, makaashihisa.

Marku 13:9

Alioze kanyamenu kuli yenwene: mumu kumakanukunjika kuli akwa kuyula; ni mu masunangonga kumakanulamba; ni kumeso ja manguvulu ni mianangana kumunukamana mumu hali yami, mukupwa Shindakenyo kuli ayo.

Luka 21:12

Alioze shimbu yino yuma yeswe kanda yipwa, kumakanukwata, kumakanuhungumiona, kumakanukunjika ku masunangonga ni mazuwo ja ususu, nikununeha kumeso ja mianangana ni manguvulu mumu ha jina liami.

Yoano 3:27

Yoano wakumbulwile, ngwenyi, Mutu kahashile kutambula nichimwe shina mamwahacho kwilu.

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 3:13

Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

Yilinga 4:31

Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

Yilinga 6:10

O kahashile kulimika ni mana ni Spiritu yoze wahanjikile nenyi.

Yilinga 6:15

Ni waze eswe atwamine mukuyula, ha kumuhulikila meso amwene meso jenyi ngwe ku meso ja mungelo.

Yilinga 7:55

Alioze iye, kanazala tò ni Spiritu Musandu, wahulikilile mwilu, wamwene uhenya wa Zambi, ni Yesu kanamana ku chindume cha Zambi.

1 Korintu 2:13

Ye yize twakuyihanjika, hi ni maliji aze ko mana ja atu akulongesa; alioze aze Spiritu kakulongesa; nikupalakenya yuma ya uspiritu ni uspiritu.

Efesu 3:5

chize ha yisemuko yikwo kachisolwele kuli ana ja atu, ngwe haliapwila hanachisolola kuli apostolo jenyi asandu, ni aprofeta, muli Spiritu.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.

1 Petulu 1:12

Aalwezele ngwe, hi kuli ayo ko, aiioze kuli yetu atuvumbikile ni yino yuma, yize haliapwila hananwambulwilayo ku makanwa ja akwa kwambujola, muli Spiritu Musandu kanatumiwa mwilu; yuma yize angelo kakwivwa usona kuhengulamo.