Marku 12:37 - MUKANDA USANDU WA ZAMBI 1975

³⁷ David mwene kanamuvuluka ngwenyi, Mwene; ngwe kuchi mapwa mwanenyi? Mbunga ya atu amuvwile ni chiseke.

Mukanda Wa Zambi 1970

³⁷ David iye mwene kakumuvuluka ngwenyi: ‘Mwene wami.’ Mba ngwe kuchi Chilamwina yoze Zambi alakenyene mahasa kubwa mwanenyi?” Atu anji yaawahilila ha kwivwa Yesu.

Marku 12:37 Iomraidhean Croise

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 21:45

Muze asasendote ni A-Fwariseu evwile yishima yenyi anyingikine ngwo, Kanahanjika ha kutwala kuli yetu.

Mateu 21:46

Alioze muze afupile kumukwata, evwile woma wa mbunga, mumu amumwene ngwe profeta.

Luka 19:48

Alioze kawanyine chize mahasa kulinga; mumu atu eswe amupanjikile ni mbunge yeswe.

Luka 21:38

Ni atu eswe alimenekene nikwiza kuli iye mu tembele mukumwivwa.

Yoano 12:9

Mbunga yinene ya A-Yunda kashika anyingikine iye wapwileko: o ejile, hi mumu hali Yesu wika ko, alioze hanga akamone Lazaru nawa, yoze amuhindwishile hakachi ka afu.

A-ROMA 9:5

ni e tulamba, a kuli ayo, ni kuli ayo nikulita ni musunya Kristu wasemukine, Mwenawo kapwa helu lia eswe, Zambi kafumana ndo ku miaka ya mutolo.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.