Marku 12:36 - MUKANDA USANDU WA ZAMBI 1975

³⁶ Mumu David mwene wambile muli Spiritu Musandu ngwenyi, Mwene wambile kuli Mwene wami ngwenyi, Twama ku kwoko liami lia chindume ndo mungusa akwa kole je chitwamo cha yiliato ye.

Mukanda Wa Zambi 1970

³⁶ Mumu David iye mwene hanahanjika ni tachi ja Mwiku wa Linanga ngwenyi: ‘Mwene Zambi hanambila Mwene wami ngwenyi: Twama ku chindume chami ndoo mungukasa akwa kole je kushi lia molu je.’

Marku 12:36 Iomraidhean Croise

2 Samuel 23:2

Spiritu ya Yehova wahanjikile muli yami, Liji lienyi liapwile ha limi liami.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Miaso (Masamu) 110:1

Yehova kanambe kuli Mwene wami, ngwenyi, Twama ku chindume chami ndo mungupwisa akwa kole je chitwamo cha yiliato ye.

Mateu 5:35

chipwe ni hashi, mumu che chitwamo cha yiliato yenyi; chipwe ni Yerusaleme, mumu lie limbo lia Mwanangana munene.

Yilinga 1:16

Mandumbu, chinatambe chisoneko chikamanunuke, chize ahanjikile Spiritu Musandu Shimbu-kanda, ku kanwa lia David, ha kutwala kuli Yundase, yoze wapwile kasongo kuli waze akwachile Yesu.

Yilinga 28:25

Muze kalitayile hakachi ko, akatukile; muze te Paulu hahanjika liji limuwika ngwenyi, Kanawa wahanjikile Spiritu Musandu kuli tulamba twenu ku kanwa iia profeta Izaia ngwenyi,

1 Korintu 15:25

Mumu chamutamba kuyula ndo masa akwa kole jenyi eswe kushi lia yiliato yenyi.

2 Timoteu 3:16

Yisoneko yeswe hanayihwimi kuli Zambi, neyo kuyakutumbuka ha kulongesa, ni ha kukumika, ni ha kululika, ni ha kufumba mu ululi:

Hebreu 1:13

Alioze ha kutwala kuli mungelo muka ambile ha mwaka umwe ngwenyi, Twama ku kwoko liami lia chindume, ndo mungusa akwa kole je chitwamo cha yiliato ye?

Hebreu 4:7

Cheka nawa kanavuluka limwe tangwa ngwo, Musono, ku kanwa lia David ngwenyi, Kulutwe lia shimbu linene Chichize, ngwe hanachambe ngwo, Musono, nyi munwivwa liji lienyi, kanda nukalisa mbunge jenu.

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.